مرتضى للخطيب: «تركي آل شيخ مصوركوا وإنتوا بتاخدوا ساعات وفلوس» (فيديو)

فتح مرتضى منصور، رئيس نادي الزمالك، النار على محمود الخطيب، رئيس النادي الأهلي، مجددًا، مطالبًا الأخير بإعادة مبلغ ال260 مليون جنيه التي تبرع بها المستشار تركي آل الشيخ، رئيس هيئة الرياضة السعودية، والرئيس الشرفي السابق للقلعة الحمراء.
وتابع مرتضى خلال تصريحات للموقع الرسمي لنادي الزمالك، موجهًا كلامه للخطيب: "إنت كنت لاعب فذ والله العظيم وأنا من المعجبين بيك، بس عايزك ترجع الفلوس اللي خدتها من تركي آل الشيخ، وترد عليه بعد ما قال عليكم عصابة».
واستمر رئيس الزمالك في حديثه: «ما تردوا على تركي آل الشيخ، اللي قال عليكم عصابة، وتقولوا أصل الراجل اعتذر، اعتذر فين؟ أقسم بالله لو حد قال عليا عصابة والله ما أسيبه، لكن إنتوا تركي آل الشيخ وقعكوا على وشكوا».
وواصل مرتضى: «ده إنتوا الراجل مصوركوا وإنتوا بتاخدوا الساعات والفلوس، يا راجل عيب يديلكم ساعة ب900 ألف تبيعوها ب200 ألف، طب بيعوها ب300 ألف، عيب اللي بيحصل ده في النادي الأهلي العريق، ده تاريخ يا جماعة وأنا عارف قيمته كويس، وعضو فيه من سنة 1974، بس إنتوا مش عارفين قيمته».
مرتضى شن هجومًا ناريًا على الخطيب معلقًا: «إنت اتكشفت يا خطيب، وأنا طبعًا عاذرك عشان إنت معاك دبلوم صنايع، ودخلت معهد التعاون اللي بيدخلوا كل الفاشلين بتوع الكورة اللي مدخلوش كلية، وأنا بعتبرك معاك ثانوية صناعية، وده مش عيب، انت ربنا إدالك موهبة في الكورة وأنا من المعجبين بيك على فكرة".
واستكمل رئيس القلعة البيضاء: "أحد البرامج على أحد القنوات، يقدمه الحمار والجحش، فرحانين إن اللجنة الأولمبية اعتمدت اللائحة بتاعتهم لازم يفهموا إن اللجنة دي ليس لها اختصاص بالجمعيات العمومية للأندية، بيني وبينكم القانون".
وصرح منصور بأن لائحة النادي الأهلي الجديدة بها بنود غريبة مثل وضع مجلس الإدارة سلطته على الانتخابات داخل النادي، واختيار المستبعدين وفقًا للأهواء، متابعا: "الخطيب عايز يغيظني عشان عجبته فكرة كيد النساء وتعاون مع اللجنة الأولمبية".
وأعرب منصور عن سعادته، قائلًا: "أنا فرحان لأن الولد هشام حطب رئيس اللجنة الأولمبية مش قادر عليا"، معلقًا: "الجمعية العمومية للزمالك أذاعت تسجيل صوتي لمصطفى عبد الخالق وأحمد سليمان اللي هما صحاب هشام حطب وقالوا إنه أخد رشوة من هاني العتال، المفروض يرد عليهم ولا يرد عليا أنا؟".