هاجم مرتضى منصور، رئيس نادي الزمالك، مجلس إدارة النادي الأهلي برئاسة محمود الخطيب، معلقًا: «كنت أتمنى أن يبتعد الخطيب عن كيد النسا الذي تقوم به اللجنة الأوليمبية برئاسة هشام حطب اللي دخله في لعبة، أنا حزين إن الخطيب والأهلي يدخلوا فيها». وقال مرتضى، خلال مداخلة هاتفية بحلقة الأحد من برنامج «ستاد بيراميدز»، الذي يقدمه الإعلامي مدحت شلبي، إن مجلس إدارة القلعة الحمراء السابق برئاسة المهندس محمود طاهر، قام بإجراء جمعية عمومية عام 2016 ورفضتها اللجنة الأوليمبية، ثم قام مجلس الخطيب بسحب الشكوى ضد مركز التسوية باللجنة، منفعلًا: «إنت يا خطيب عايز تتخانق مع محمود طاهر تدخل فيلم كيد النسا، عيب أنت كبير، أنا لغاية دلوقتي ساكت، أنت رئيس النادي الأهلي داخلي في كيد نساء أنت كمان». وتابع رئيس القلعة البيضاء موجهًا حديثه للخطيب: «أنت اتنازلت أنت ومجلسك، ومش عايز أقول أكتر من كده وكل الورق اللي يجرحك عندي». ورفضت اللجنة الأوليمبية اعتماد الجمعية العمومية لنادي الزمالك، والتي أقيمت قبل أيام مما تسبب في أزمة بين رئيس الزمالك، وهشام حطب رئيس اللجنة الأولمبية. وأتم: «إيه القرف اللي احنا عايشين فيه ده، اللجنة الأوليمبية تكيل بأكثر من مكيال في أزمة بين لائحة الأندية، أنا كل كلامي بالورق والقانون واللوائح»، ساخرًا: «اللجنة الأوليمبية أرسلت خطابا رسميا بعدم اعتماد الجمعية العمومية لفارس بتاع الكبدة». وشدد: «ياريت هشام حطب يخاطب اللجنة الأوليمبية الدولية في الأزمة دي عشان يدخل السجن بالمصايب اللي عنده دي، لأنه لو عمل كده هيبقى بيلعب في أسلاك الكهرباء، واللي بيعمله معايا دلوقتي عمله مع محمود طاهر، وأنا عضو في النادي الأهلي قبل الخطيب ب100 سنة، وبقوله عيب إن هشام حطب يستخدمه في كيد النسا عشان يوري الناس إن اللجنة الأولمبية ليها سلطات».