وزير التعليم للبرلمان: «نُعامل معاملة الأعداء.. وفيه ناس بتدفع»

انتقد وزير التربية والتعليم الدكتور طارق شوقى، المظاهرات التي نظمها عدد من أولياء الأمور حول نظام التعليم الجديد والمزمع تطبيقه بداية من العام المقبل، مؤكدا أن نصف المتظاهرين أمام وزارة التربية والتعليم ليس لديهم أبناء، مضيفا: "لازم تعرفوا إن فيه جروبات على الواتس آب، وفيه ناس بتدفع، لازم نفهم مين بيوجه الناس دول".
وأضاف "شوقي"، خلال كلمته أمام لجنة التعليم بمجلس النواب لمناقشة مشروع تطوير التعليم: "إزاى لما نيجي نعمل حاجة كويسة يعاملونا معاملة الأعداء، إحنا بنصلح القرف الموجود، فيه ولاد بيطلعوا المرحلة الخامسة والسادسة الابتدائية مش بيعرفوا يقرأوا".
وحول انتقاد أعضاء مجلس النواب لعدم تواصل الوزارة معهم، رد بقوله: "إحنا قربنا نموت من التواصل، إحنا مفيش حد تواصل قدنا، مش عارفين نشتغل من التواصل، وأنا مش عارف إيه هو الحوار المجتمعي أكتر من اللى بنعمله الحقيقة".