سلمى أبوضيف تدافع عن خصوصية المرأة.. «الاحترام ناقص عندنا والست الأقوى»

دخلت الفنانة سلمى أبوضيف، في صراعًا مع الفنان أحمد فهمي، أثناء دفاعها عن خصوصيات الزوجة التي لا يجب أن يتدخل فيها الزوج، وانتهى الصراع بانسحاب الأخير «الذي أدى دور المتعصب» من الحوار، أما كريم فهمي تظاهر بأنه يساند الضيفة ولكنه في حقيقة الأمر كان يثير غضبها بين حين وآخر، أما باسل الخياط فتقمص شخصية «ملك التنظير» إذ كان دائم التنظير على كلام الضيفة، بما يزيد من خلافها مع أحمد، لكن سلمى اتخذت طوال حلقة برنامج «قعدة رجالة» على قناة «دي إم سي» موقف المدافع عن حقوق المرأة.
رسالة للرجالة.. خلكوا بالكم
قبل بدء الحلقة وجهت سلمى، رسالة إلى الرجال بصفة عامة، قائلة: «الرجلة عبارة عن عقد وكلاكيع موجودة في بعضها، والست دايمًا هي الضحية، أحنا غلطانين إننا بنسكت لهم، بس أنا ما بسكتش، خلوا بالكم يا رجالة -في إشارة إلي مقدمي البرنامج-».
وذكرت سلمى أبو ضيف، أنها تحب الترحال والسفر كثيرًا سواء بمفردها أو مع أصدقائها أو العائلة، موضحة: «فضلت أزن على أبويا سنتين فوق دماغه عشان أقنعه أسافر لوحدي»، نافية ارتباطها عاطفيًا الآن.
الزوجة لها خصوصيات مثل الرجل
ذكرت سلمى، أنها لا تحب أن يتدخل أحد في خصوصياتها، حتى ولو كان زوجها، مبينة: «لو أنا في علاقة مع حد، هيكون ليا خصوصيات زي ما هو ليه خصوصيات، فيه بنات بتحب الراجل يتدخل في خصوصياتها، والآخر بيكونوا تعساء ويفضلوا يلفوا ورا الراجل عشان يعرفوا هو بيكلم مين؟ أنا مش عايزة أوصل لمرحلة إني أعرف جوزي بيكلم مين؟».
المايوه حسب الاتفاق
تحدثت سلمى أبو ضيف، عن الأفكار المجتمعية المتحررة، قائلة: «فيه ناس عاوزين الكل يبقى زي بعضه، ومش عارفين إن فيه ناس تعليمهم وتربيتهم مختلفة عن الآخرين، فممكن نلاقي راجل شرقي جدًا موافق على إن المرأة لها خصوصيات.. فلازم يكون فيه ثقة بين الطرفين، فزي ما بسيب زوجي يسافر لوحده، هو لازم يسبني أسافر لوحدي لو عايزة كده».
عن موقفها من ارتداء «المايوه» في أعمالها الفنية بعد زواجها، قالت: «موضوع المايوه ده هيكون حسب الاتفاق مع زوجي».
سلمى تهاجم أحمد فهمي
انتقدت سلمى أبو ضيف، شخصية الفنان أحمد فهمي «الذي يقوم بدور الزوج المتعصب أمامها»، بسبب تدخله في خصوصيات زوجته وحرصه الدائم على معرفة كل شيء عنها.
وهاجم فهمي ضيفته عندما أعلنت رفضها منح زوجها الأرقام السرية الخاصة بحساباتها الشخصية على مواقع التواصل الاجتماعي، قائلًا: «العُرف بيقول إن الست مالهاش خصوصية ما دام هي على ذمة راجل»، لترد عليه: «أنا بشوف زوجات بتدي الحاجات دي لأزواجها، بس أنا ضد ده أصلًا، الستات أقوى من الرجالة مليون مرة».
مواصفات فتى الأحلام
تحدث سلمى أبو ضيف، عن مواصفات فتى أحلامها، بقولها: «لازم نكون فاهمين بعض ونتناقش في كل حاجة مع بعض، لازم يساعدني في حياتي العملية، ويكون خايف عليا، الراجل سواء كان شرقي أو غربي، لازم تتوفر فيه 3 حاجات، وهي: لازم يكون بيخاف على بيته وعائلته، وبيشجع اللي حواليه، والاحترام أهم حاجة عشان أحنا عندنا نقص فيه».
الست أقوى من الراجل
أثارت سلمى جدلًا بين الثلاثي الذكوري، عندما قالت، إن «الست أقوى من الراجل»، موضحة: «أنا مقتنعة بكده، بدليل أنها بتخلف والراجل ما بيخلفش، الراجل آخره إنه يروح الشغل ويرجع يقول إنه هو اللي بيصرف على البيت، لكن فيه ستات بتشتغل وترجع على البيت تجهز الأكل لجوزها، لكن بالنسبة ليا، ظروف شغلي إن أعمل ده».
الراجل والست متساويين في كل حاجة
تمكن باسل الخياط «القائم بدور الشخص الدحلاب» من إثارة غضب سلمى أبو ضيف، حينما انتقد حركة يديها أثناء الكلام وطريقة لبسها، بقوله: «كلامك بالطريقة ديه يؤكد إنك بتخبي حاجة، لو أنتي مش بتقرأي فديه مشكلتك»، لتهاجم فهمي قائلة: «ما تحاقرش من الست، الراجل والست متساويين في كل حاجة، زي الشغل مثلًا».
أحمد فهمي محتاج يتعالج
نصحت سلمى أبو ضيف، نظيرها أحمد فهمي، قائلة: «فيه ستات بتقدر اللي بيعمله الراجل عشانها، بس أنت لازم تدلع الست، وهاتشوف أحلى دلع منها، وهاتحطك فوق راسها، ،هتعاملك كأمير.. وتلت تربع الرجالة ما بيفهموش في الموضة»، لينسحب فهمي، من الحلقة تاركًا ضيفته التي علقت على ذلك، بقولها: «والله أنت صعبان عليا، أنت محتاج تتعالج».
وفي نهاية الحلقة، اتفق أحمد فهمي، مع سلمي أبو ضيف، في أشياء وعارض آراء أخرى قالتها، موضحًا: «أنا معاها في حاجات ومعارض في حاجات، أنا معاها في موضوع خصوصيات المرأة بس في حدود المتعارف عليه، وأنا ضدها في إن الراجل مش لازم يعرفه زوجته فين؟».