السيسي: متقلقوش يا مصريين.. أنا مش ببيع الوهم

وجه الرئيس عبد الفتاح السيسي، الشكر لهيئة قناة السويس على الجهد الذي تم بذله خلال الفترة الماضية، قائلا: "الفترة اللي فاتت عايز أقول للمصريين إن حصلت حاجات كتير".
وأضاف السيسي، خلال كلمته بالاحتفال بانتهاء من أعمال الحفر والتبطين بأنفاق قناة السويس، اليوم السبت: "حسيت أن الناس قلقت شوية، بس لا يمكن يكون فيه قلق عندكم يا مصريين، أنا مبتكلمش كتير معاكم، بس أنا مش هبيع الوهم ليكم ومخلص معاكم".
وتابع: "اللي نقدر نعمله هنعمله، واللي منقدرش هنقول مش قادرين، بس إحنا ماشيين كويس واتفقت معاكم أننا هنقدم ما تم تنفيذه وما يتم استكماله، مش الحكومة اللي بتعمل أنتوا اللي بتعملوا يا شعب مصر، وعملنا حاجة عظيمة جدا، خلصنا 3 أنفاق والرابع بينتهي، الكلام ده كان محتاج 12 سنة إحنا انجزنا كل ده في سنة ونص".
وذكر: "أنا عارف أن ده عبء كبير على الشركات، بس إن شاء الله في 30 يونيو 2018 هنكون بنعبر من ال4 أنفاق وده هيكون تحدي كبير"، موضحا: "أنا بقول الكلام ده عشان الناس تشوف الإنجازات، الإنجاز اللي حصل في الأنفاق مش بسيط، وعملناه ب4 شركات مصرية وخبراء وعمال مصريين، اشترينا المعدات بس من بره".