عمرو يوسف: أمي وقعت من طولها.. والله لو هقف قدام الكون ما هسيب حقي

أكد الفنان عمرو يوسف، أنه سيسعى لأخذ حقه بالقانون، من المواقع التي روّجت لشائعة ضبطه وزوجته الفنانة السورية كندة علوش، بتهمة حيازة المخدرات، لافتًا إلى أنه استيقظ صباحًا على الخبر الذي أصابه بالغضب الشديد، موضحًا: «الإشاعة بتقول إني وكندة اتقبض علينا في عربية سودة.. وكندة في الجونة.. ومعندناش عربية سودة».
وأضاف يوسف، خلال مداخلة هاتفية لبرنامج «آخر النهار»، عبر فضائية «النهار»، اليوم السبت، «أول حاجة عملتها إني كلمت المحامي وقولتله ياخد إجراء قانوني فورًا، وفوجئت إن الدنيا اتقلبت، ولكن سمعة الواحد الحمد لله زي البرلنت، وكندة أكثر مني، وبرغم الموقف السيئ ده إلا أن الدعم النفسي اللي اتعمل معايا من كل أصحابي وزمايلي أصابني بالسعادة».
وتابع: «بيجيلي دلوقتي كلام إن الصحفي اللي كتب الخبر ده غلبان واتنازل وبتاع، لكن أنا مش ناوي أسيب حقي، وكفاية مكالمة أمي الساعة 9 الصبح وصوتها مرتعش وتقع من طولها بعد نشر تلك الشائعات تخليني إن والله لو هقف قدام الكون هاخد حقي بالقانون، أنا حقي هيرجعلي بالأدب والقانون، وأنا مش هسمح إن يتشهر بيّا، وكل واحد ياخد جزاءه».