بالفيديو.. ريهام سعيد عن «أزمة شيرين»: «مش بطيق وائل الإبراشي»

علَّقت الإعلامية ريهام سعيد على الهجوم على الفنانة شيرين عبد الوهاب، بعد حديثها عن الفنان عمرو دياب، قائلةً: "هي شيرين غلطت في إيه.. عايزين منها إيه".
وأضافت - خلال برنامجها "صبايا الخير" على فضائية "النهار"، مساء الأربعاء: "كل الإعلاميين طلعوا وقالوا شيرين غلطانة.. هي غلطت في إيه؟.. إنها قالت على زميل ليها وقت هزار وضحك وباين الكلام ده في الفيديو".
وتابعت: "لو أنا قاعدة مع حد من الإعداد أو المخرج، وقولتله مثلًا إني مبحبش وائل الإبراشي ومش بطيقه عشان بيولع بين الناس، ده رأي شخصي ومطلعتش قولت كده في الإعلام".
وأكَّدت ريهام: "شيرين عفوية.. قالت الكلام ده مجاملة لتامر حسني ولا حماقي.. ليه يتعمل فيها كل ده، بيعملوا معاها زي ما بيعملوا معايا بالظبط، بتفكرني بيا".
وكانت شيرين قد سخرت من الهضبة عمرو دياب، وذلك خلال حفل زفاف كندة علوش وعمرو يوسف، ونطقت بلفظ وُصف ب"الخارج" حسبما أظهر مقطع فيديو، ما قوبل بهجومٍ حاد طال شيرين.