بهاء الدين محمد منتقدًا شيرين: «كفاية.. عمرو دياب كيان كبير»

انتقد الشاعر بهاء الدين محمد، المطربة شيرين عبد الوهاب، تعليقًا على تصريحاتها تجاه النجم الكبير عمرو دياب، والتي أثارت ضجة كبيرة خلال الساعات الماضية.
وكتب محمد عبر حسابه بموقع التواصل الاجتماعي "فيسبوك"، «عزيزتى شيرين عبد الوهاب، إنتى عارفة أنا باعزك قد إيه ودافعت عنك كتير، وفي نفس المكان اللى دافعت عنك فيه لحظة خلافك مع الفنان الملحن عمرو مصطفى، لازم دلوقت أقولك لأ وكفاية، وصمت لأن عمرو دياب كيان كبير ومن الصعب تكراره».
وأضاف: «ده غير إنه واجهة لينا وللوطن العربى كله، وحتى لو حصل خلاف معاه لازم يكون بشكل لائق وغير معلن، لأننا بالفعل عمرنا ماسمعناه ولا شوفناه بيغلط ف حد أو زميل ده غير إن ماحدش فاهم ولا عارف هو عملك إيه ؟!! ودى المشكلة».
وتابع، «إنتى والكل عارفين إنى أكبر وأصدق من إنى أجامل أو أنافق حد فيكم.. علشان كده لازم أقولك كفاية ياشيرين، وخلى بالك وماتخسريش جماهيره اللى تجاوزت 90% من المجتمع العربى ويمكن أكتر، والمطلوب منك الصمت لأن الوقت مش وقت اعتذار».