قال الفنان القدير محمود حميدة، إنه "دخلنا كثير من الأخطاء التربوية، التي جعلتنا نسير في اتجاه واحد، ولا نعرف إلا إجابة واحدة لأي سؤال، فبقينا دُجمة، يا صح يا غلط مفيش وسط". وأضاف حميدة، خلال حواره ببرنامج "أنا وأنا"، مع الإعلامية سمر يسري، عبر فضائية "ON E"، أنه تربى من جديد على يد بناته الأربعة، مستكملًا: "غيروا فيّا حاجات كتير جدًا، زي إني بقيت باخد وبدي في الكلام، قبل كده كان يستحيل، ومكنتش بحس بأي غضاضة في كده، كنت حمار رسمي، مكنتش بفكر، أنا بشكر بناتي جدًا والحمد لله". أوضح أنه متزوج حاليًا من امرأتين، موضحًا أن أشقائه "كلهم سُنيين"، مستكملًا: "مش شايفين إن شغلي حرام، ومينفعش فيهم حد يضايقني لأني أخوه الكبير، مفيش أي حد على وجه الأرض عنده الحق أن يعترض على معتقد أنا أعتقده". تابع: "أكتر شخص أنا ضايقته في حياتي هو أبويا الله يرحمه، ومعرفتش كده غير بعدين، ومندمتش على أني ضايقته، اللي حصل حصل وخلاص، بعدّل ما تصرفاتي وخلاص، وخير الخطائين التوابون".