وجه الممثل والمنتج محمد محمود عبد العزيز نجل الفنان الراحل محمود عبد العزيز رسالة خاصة لفريق عمل مسلسل "الأب الروحي" الذي يشارك في إنتاجه. ونشر محمد اليوم الخميس، عبر صفحته الشخصية على موقع إنستجرام "أفيش" المسلسل، معلقًا: "العمل الوحيد اللى للأسف ماقدرتش أحضر أيام تصويره نظرًا لظروفى اللى الدنيا كلها بقت عارفاها الحمد لله على كل حال، الحلم الحمد لله حصل زى ما تخيلناه أنا وأخويا الكبير ريمون". وأضاف: "النهارده حابب أشكر كل النجوم اللى شاركوا فى الأب الروحى واللى وجودهم أكيد أضاف كتير للعمل، وعلى رأسهم عمى اللى يا رب يكون عارف أنا بحبه قد إيه، أستاذ محمود حميدة ربنا يخليك ويطول فى عمرك". وأضاف "حابب أشكر كل الوجوه الجديدة اللى إن شاء الله بينتظرهم مستقبل كبير واللى إن شاء الله هيبقوا نجوم بفضل ربنا وحب حضراتكم ودعمكم ليهم، بشكر المؤلف المجتهد هانى سرحان ومدير التصوير المتميز حسين عسر والمخرج الرائع بيتر ميمى، وبشكر رجالة فنون مصر اللى كانوا واقفين وقفة رجالة بجد ورجالة الإنتاج طبعًا، وطبعًا لن أنسى الجنود الجهولين وهم كل فنيين المسلسل فى جميع الاختصاصات، تسلم إيديكوا كلكوا وإن شاء الله روح الحب اللى بيننا كلنا هتوصل للناس وهيحبوا العمل ويصدقوه زينا بالظبط". المسلسل من المقرر عرضه 15 يناير المقبل عبر قناة DMC، ويقوم ببطولته محمود حميدة وأحمد فلوكس، محمد عادل، سوسن بدر، عايدة رياض، مي سليم، وتأليف هاني سرحان وإخراج بيتر ميمي.