تليمة عن مقترح عبد العال لإلغاء شركات الصرافة: الدولار هيكون ب25 جنيه

قال الإعلامي خالد تليمة - معلِّقًا على المقترح المقدم من الدكتور علي عبد العال رئيس مجلس النواب بعرض مشروع قانون يقضي بإلغاء شركات الصرافة لمواجهة أزمة ارتفاع سعر الدولار: "كلام خطير جدًا.. إحنا نقعد نحد إيدينا على خدنا ونتفرج.. ياريت اللي ما يعرفش ما يتكلمش.. لما تبقى مسؤول وإحنا في أزمة اقتصادية مينفعش تقول الكلام دا".
وأضاف - خلال برنامجه "صباح أون" على فضائية "ONTV"، اليوم الأربعاء: "لما رئيس مجلس النواب يقدم مقترح بإغلاق شركات الصرافة ويكون دا تصوره لإدارة أزمة الدولار يبقى نقعد نتفرج ويتحرق دمنا".
وتابع: "يعني واحد مش متصور إنَّه لما يقفل شركات الصرافة اللي بتدفع ضرائب هترجع السوق السودة بقوتها وينزل تاجر الشنطة يلم الدولارات من الناس، ونسبة المخاطرة تكون أعلى الدولار سعره يزيد بدل ما هو ب13 جنيه يبقى ب20 جنيه و25 جنيه".