السيسي يدعو روابط «الأولتراس» إلى تنظيم دخول الجماهير إلى الملاعب

وجه الرئيس عبد الفتاح السيسي، اليوم الجمعة، رسالة إلى روابط الأولتراس، بخصوص عودتهم للملاعب، قائلًا: «أنا بقول للأولتراس، لو سمحتوا عايزكم تعملوا نموذج جيد لما شباب مصر هو اللي ينظم، لكن مش هو اللي يأمن، لازم تورونا لما نحمل شباب مصر المسئولية هيعمل إيه».
أضاف السيسي، خلال حواره مع الإعلامي أسامة كمال، المذاع على شاشة التليفزيون المصري وتنقله الفضائيات: «أنا مقدر إن الأولتراس لو تحملوا المسئولية هيعموا حاجة كويسة أوي، وأمنهم وأمانهم يهمنا كلنا».
تابع: «إحنا تقريبًا خلصنا 2000 مركز شباب، وجهزناهم بشكل يناسب شبابنا وأهلنا عشان يلاقوا فرصة في مكان كويس، وكل ذلك يتم بالتعاون مع وزارة الثقافة».
وذكر: «الدولة تعمل على إحياء الدور الرياضي والثقافي والاجتماعي لمراكز الشباب»، مضيفًا: «كنت بكلم وزير الشباب من كام يوم بقوله إننا المفروض نعمل لجنة تكون محايدة تجيبلنا شباب من كل الفرق الرياضية، وننتقي منهم، ونعمل فرق على أعلى مستوى، حتى لو اضرينا نجيب ناس مش مصريين ينقوا، إحنا عندنا كوادر تقدر تحقق إنجازات، ونقدر نعمل كده».