بالفيديو.. أديب يهاجم «مرتضى» مجددًا: «نهايتك قربت وهتكون على إيدي»

هاجم الإعلامي عمرو أديب، اليوم السبت، مجددًا، المستشار مرتضى منصور، عضو مجلس النواب، ورئيس نادي الزمالك، قائلًا: «مرتضى رجع يتكلم تاني عني، وأنا ليّا حق الرد، وقررت أرد عليه، أول شيء حابب أؤكد عليه إن خلاص مبقاش حد بيخاف منه، وده شيء مفرحني جدًا، وكمان بدأ يغير أسلوبه، بقى حريص في أسلوبه أكثر من اللازم».
أضاف أديب، خلال تقديمه برنامج «القاهرة اليوم»، عبر قناة «اليوم»، «أؤكد لكم أن مرتضى منصور إلى نهاية قريبًا، بيقول إنه رافع عليّا قضية وأن القضاء لعبته، تخيلوا أن القضاء في مصر بقى لعبة وفي إيد مرتضى، إلى هذه الدرجة أصبح يستهين بالنظام القضائي، بيقول إنه مش هيدخلني المحكمة أنا والمحامين بتوعي، المحاكم إنت ورثتها وأنا ما أعرفش؟ هو فين وزير العدل؟ فين نقابة المحامين؟ إنت بتهددنا في بلدنا يا مرتضى؟ أين الدولة من هذا الرجل؟».
تابع: «أنا لو اتسجنت هبقى سعيد، على الأقل هبقى عملت شيء لبلدي، إني نهيت أسطورة مرتضى منصور إلى الأبد، ربنا كبير وهيُقف قدامك، هو قادر، وفي ناس كتير في مصر هتقول للغولة إنتي عينك حمرا، والقضاء المصري محترم.. مكملين للآخر لأننا ضد أسلوب الترهيب، وهيفضل في البلد دي محترمين، وأنا فخور بنفسي أني بخوض المعركة دي، ومش هرجع لورا خطوة وهفضل مكمل لآخر نفس».