فيديو| عكاشة: الأمن يحرِّك عمرو أديب.. و«أقدر أخليه يجري ورا عربية رش»

هاجم الإعلامي توفيق عكاشة، زميله عمرو أديب، بسبب انتقادات وجَّهها الأخير له قبل عدة أيام.
وقال عكاشة، خلال لقائه ببرنامج "مصر اليوم" على فضائية "الفراعين"، مساء أمس الخميس: "مفيش أي قزم كان يقدر يتكلم لما كنت موجود على الهوا، وعمرو أديب له ملف واسمه موجود في القضية 250 أمن دولة عليا، وبيهاجمني بتعليمات من الأمن، والأمن بيدير عمرو أديب علشان ماسك عليه ذلة".
وأضاف: "ربنا يسامحه بس أنا أقدر أخليه يجري ورا عربية الرش، هو ملوش شعر علشان كده مش هيعرف ينكشه، وأنا أقدر أعمل معاه حاجات كتير، يعني أقدر أعمل إعلان في الصحف والقنوات أقول فيه عنوان بيته، وأقول للشعب إذا كان يرضيكم كلام عمرو أديب روحوا أيدوه، وإذا كنتم رافضين كلامه روحوا اعترضوا".
وسبق أن هاجم أديب، خلال إحدى حلقات برنامجه "القاهرة اليوم" على فضائية "اليوم"، عكاشة، قائلاً: "عندي شك كامل في موضوع الدكتوراه بتاعته دي، وهو عايز ياخد الجزء الحلو من الأجهزة السيادية بس علشان يخلص حاجات شخصية له".
وتابع: "أجهزة الدولة دلَّعت توفيق عكاشة، إنتوا متخيلين إن أنا أقدر أعمل اللى عمله توفيق عكاشة؟ أو أتكلم ربع اللى اتكمله عكاشة؟".
شاهد الفيديو.. بدايةً من "ساعة وخمس دقائق من الحلقة"..