عمرو أديب ل«باسم يوسف»: «في حد إداك على قفاك قبل كده؟»

هاجم الإعلامي عمرو أديب، اليوم الثلاثاء، الإعلامي الساخر باسم يوسف، لمؤازرته الفنان الشاب أحمد مالك، ومراسل برنامج «أبلة فاهيتا»، شادي حسين، بعد واقعة إهانتهما لجهاز الشرطة، بعد قيامهما بإهانة الشرطة عن طريق شراء «واقي ذكري» وإهدائه للشرطة في عيدهم بميدان التحرير.
وقال أديب، خلال تقديمه برنامج «القاهرة اليوم»، عبر قناة «اليوم»، «في ناس الأخلاق عندها بمكيالين، لو بتشتم الشرطة يبقى حلو، وما ينفعش حد يبقى مع ريهام سعيد، ونجيب ريهام ونوقف برنامجها، اشمعنى يا باسم ريهام وحشة وشادي كويس، اللي عملته ريهام غلط واللي عمله شادي غلط، مش مبرر لأخطاء الشرطة إنك تهينها على الإطلاق».
وأضاف: «الفيديو مهين ومسيء وغير إنساني وغير فني، شيء يخليك عايز ترجع، ولا يا باسم يا حبيبي، إنت غلط، ومينفعش تقود حملة شعواء للوقوف مع هؤلاء الشباب، وأنا ضد الفيديو ده، وتمت إهانة الزي العسكري».
وتابع: «يا باسم إنت غلط، وأنا ولا هيهمني إنك تكتب تويتة تشتمني فيها، ولا تفرق معايا إنت واللي معاك، زي ما قولت لريهام سعيد إنت غلط، يبقى تقول إن الفيديو ده غلط، إنت بتدخل مصر في حماية الناس دي، مين اللي كان بيحرسك، في حد إداك على قفاك قبل كده، محدش عرف يقربلك لأنهم كانوا بيحموك، الشرطة دي هي اللي كانت بتحميك في عهد الإخوان».