بعد التراشق على الهواء.. خالد صلاح ينشر فيديو لعمرو أديب يكشف آرائه المتناقضة

نشر الكاتب الصحفي خالد صلاح، مقطع فيديو على صفحته على موقع التواصل الاجتماعي "تويتر" للإعلامي عمرو أديب، يوضح مهاجمة الأخير لقوات الأمن بعد انفجار قسم ثاني الشرطة.
وعلق "صلاح" على الفيديو قائلا: "عمرو أديب يهاجم الأمن وينتقد الثغرات الأمنية ويطالب بالتحقيق في تسلل السيارات المفخخة بعد انفجار قسم ثاني العريش".
وكنت مشادة حادة وقعت بين الإعلامي عمرو أديب، والكاتب الصحفي خالد صلاح على الهواء مباشرة، خلال برنامج "القاهرة اليوم" الذي يقدمه عبر فضائية "اليوم"، مساء الثلاثاء.
وشن "أديب" هجومًا حادًا على "صلاح"، بسبب تصريحات الأخير عن التقصير الأمني في حادث سيناء، قائلا "أنت متعرفش المهنية"، فرد صلاح "مش عايز تجاوز.. كده هفهمك غلط.. أنت نقدك متجاوز".
وأضاف أديب: "اللي ميشوفش يبقى أعمى القلب مش العين، إنت مبتشوفش يا خالد؟ يا أخي نخلي عندنا دم ونحس بقى، البلد مش مستحملة خالص، يا أخي عيب والله، مش عارف إنت بتعرف تقرأ ولا لاء". وتابع: "يا أخي عيب كده يا خالد، لازم يكون في حدود عن كده، الإرهاب مستني ده، عيب يا حبيبي، ما تكبروا بقى يا جماعة، البلد مش مستحملة، هو في أكتر من كده، نعمل إيه يا أخي، حتى الموقع بتاعك معندهمش مسئولية وحاطين لك صورة وإنت بتضحك، فين المهنية، بلاش حتى يا أخي في يومها تهاجم".


وقال خالد صلاح خلال مداخلة هاتفية مع البرنامج: "كان ممكن أرد في حتة تانية لكن أصريت أرد هنا"، فرد أديب: "رد في حتة تانية يا أخي"، فقال صلاح: "يا عمرو بلاش تزايد على وطنيتي، وبلاش نمسك لبعض على الوحدة، قرائتك غلط للموضوع وأنا من حقي أرد"، فرد "أديب": "أنا مش بزايد بس ده كلام مستفز، دي صورة تحطها في الموقع وإنت بتضحك والناس ميتة، يا عم ده أنت رئيس تحرير، وبعدين إنت مش داخل على الهواء بمزاجك، ما أنا إللي مدخلك"، فتسائل "صلاح": دي مهنية كده؟.

ورد "أديب" على انتقاد "صلاح" قائلًا: "وإنت اللي عندك مهنية يا راجل؟"، فعاد الأخير ليرد: "ده نقد جارح وتجاوز وخروج عن الأدب لا أقبله"، لكن أديب انفعل: "إنت متقيمنيش.. أما تعرف تبقى رئيس تحرير موقع ابقى تعالى اتكلم عن المهنية، وأنا مؤدب ومهني أكتر منك، تقبل كلامي ولما متقبلوش، بلاش قرف، متخلينيش أتكلم عن علاقتك مع خيرت الشاطر وأفتح وأطلع القديم".