فيديو.. الحسيني: «يا سيادة الرئيس اخترناك بإرادتنا وعايزينك تكمل»

تناول الإعلامي يوسف الحسيني، كلمة الرئيس عبد الفتاح السيسي، باحتفالية وزارة الأوقاف بذكرى المولد النبوي الشريف، الثلاثاء، والتي خاطب الشعب خلالها، قائلًا: «لو عاوزيني أمشي هامشي من غير ما تنزلوا في ثورة تاني»؛ «هو الريس بيتكلم فى الموضوع ده ليه أصلًا، ومين فهم الرئيس إن في دعوات حقيقية وملموسة لرحيله عن الحكم وخلق ثورة جديدة، وده يخليك تفكر فيمن من يشكل جزءًا من تفكير الرئيس ويشور عليه».
وأضاف الحسيني، خلال تقديمه برنامج «السادة المحترمون»، عبر فضائية «أون تي في»: «يا ريس دي دعوات تافهة من الإخوان وحزب (مصر الطرية) وجانب يسير جدًا من المعارضة المدنية، مفيش دعوة حقيقية لثورة جديدة، ومفيش مقارنة ما بين الدعوة لثورة 25 يناير 2011 و 25 يناير 2016، مفيش تشابه واحد، هناك اختلاف جذري بين الدعوتين، الظرف مختلف، والشخص مختلف، وطبيعة التعاطي السياسي والكتل السياسية المحركة في مصر مختلفة».
وتابع: «لدينا تحفظات واستياءات في بعض الأمور، لكنها لا تصل على الإطلاق لمستوى (ارحل)، مصر الطرية غير فاعل في الشارع يا سيادة الرئيس، وكذلك دعوات الإخوان ليس لها أي تقدير، وحتى دعوات بعض القوى المدنية».
واستكمل: «السيسي بدى حاملًا لاستياءًا واضح، نحن يا سيادة الرئيس اختارنك بملأ إرادتنا، وعايزينك تكمل، وعندنا أمل فيك، وعندنا أمل بمعالجة الأخطاء، ونطالبك أن لا تُعطي الأمور أكثر من حجمها، الناس بتقدرك جدًا وبتحترمك جدًا، كل مرة بيقولوا ثورة ومفيش أي حاجة بتحصل، وإنت أكبر من كده بكتير».