بالفيديو.. القرموطي يطالب بإقالة محافظ البحيرة: «اشمعنى المسيري»

قال الإعلامي جابر القرموطي، اليوم الأربعاء، إن الكوراث التي تنتج عن الأمطار، لا يمكن وصفها إلا ب«حادث إرهابي»، مضيفًا: «إرهاب ولكن من نوع ثاني، بقى شوية مطرة يموتوا الناس، عايزين نعمل هاشتاج اسمه (#الحرب_على_المطرة)، بدل ما نستفيد من المطر نموت منه، الناس بتصلي عشان المطر ينزل على أراضيها وزرعها، إحنا بقى عندنا المطر بنسيبه يموت الناس، وبعدين نحطه في البلاعات والصرف الصحي».
وتابع القرموطي، خلال برنامجه «مانشيت»، عبر فضائية «أون تي في»، «كرهنا المطر عشان بيسيبوه يموت الناس»، مطالبًا بإقالة محافظ البحيرة، الدكتور محمد سلطان، كما حدث مع محافظ الإسكندرية المستقيل، المهندس هاني المسيري، مستكملًا: «اشمعنى محافظ الإسكندرية عملنا عليه موضوع؟ لازم يُقال هو كمان، الناس اللي ماتت دي في رقبة مين؟ معرفش»، مستطردًا: «رئيس الوزراء، شريف إسماعيل، هو كمان راح.. راح خالص يعني».