بالفيديو.. عم شعبان «الغرقان» ل«السيسي»: «هنام على الأرض يا ريس»

قال المواطن «شعبان»، اليوم الأحد، إنه ظل 3 ساعات كاملة واقفًا في بيته، الذي أغرقته مياه الأمطار، وغمرت محتوياته تمامًا، بمحافظة الاسكندرية، ليس له حيلة، مضيفًا: «كنت خايف على الثلاجة لتقع، والحمد لله ولادي ووالدتي كلهم بخير، وأنا لوحدي اللي كنت في البيت، وعفش البيت كله اتدمر بالكامل، لأن الصرف كان بايظ قدام البيت، وآخر مرة حد صلحه كان من أكتر من سنة».
وأضاف خلال مداخلة هاتفية، مع الإعلامي أحمد موسى، ببرنامج «على مسئوليتي»، عبر فضائية «صدى البلد»، «الأهالي بتقول للمحافظ على اللي حصل، وقالهم (مليش دعوى.. الصرف هو المسئول)، وارتفاع المياه في بيتي وصل لمتر وربع، كل المحال أصابها الضرر، وكذلك البيوت المجاورة، ولا شوفنا حد من المسئولين، ومحدش قالنا لا تعويض ولا أي شيء».
ووجه شعبان، رسالة إلى الرئيس عبد الفتاح السيسي، قائلًا: «أنا هنام على الأرض النهاردة، اللي ميشوفش شغله لازم تحبسه، عشان يبقى عبرة، لكن كل شوية تشيل واحد وتجيب غيره ميعملش أي شيء جديد، ده مينفعش إطلاقًا، إنت اللي شغال في البلد، لكن بقيت الموظفين محدش منهم بيشتغل».