السبت*14/4/2012 مفيد فوزى : أهلا بحضراتكم على فكرة فى الإتفاقات الدولية لحقوق الإنسان من أهم هذه الإتفاقات الحصول على الماء هو أحد الحقوق بس غريبة إنوا فى البلد فيه 29 مصنع و300 فندق يضخون مخلفاتهم بالكامل فى النيل الكلام دا مش مرسل دا ملف صادر موثق سنة 2010 يعنى ببساط شديدة جدا سنويا يلقى فى النيل 4 ملايين طن مخلفات وملوثات الميه اللى بنشربها دى هل هى صحية ؟ طب وزارة الصحة هل عندها معامل ؟ هل معاملها دقيقة ؟ تساءل طب فى البلد شركة قابضة للميه دورها إيه عرفت إن فيه معمل ميه مرجعى هو اللى فى النهاية يقدر يقول الميه دى صح تتشرب ولا ما تتشربش ؟ صالحة للإستخدام الأدمى ولا مش صالحة للإستخدام الأدمى ؟ معنى هذا إن المية فى مصر مشكلة فيه أحيانا حاجات فى البلد بيبقى مسكوت عنها منها الميه محدش واخد باله يعنى مش معقول أبدا حد نائب فى مجلس الشعب الجديد هيروح مفكر ويطرح قضية المية داخل المجلس بيد إنها ضرورة شديدة إذا ربطناها بحالات الفشل الكلوى وحالات الأمراض الكثيرة هل المية اللى بنشربها اللى مسماه مية معدنية هل هى مية معدنية حقيقتا ؟ ولا هى مية حنفية معبأة قضايا كثيرة قرررت أن أذهب إلى المعمل المرجعى وواضح من أسمه إنوا مرجعى يعنى معنى هذا إن هو يرجع له من خلال الكيميائيين اللى بيشتغلوا هناك هى الكلمة الحاقة فى قضية المية وإنت بتشرب المية إفتكرنى لأن أنا نزلت خصيصا علشان أعرف نوع المية اللى حضرتك بتشربها وأنا بشربها والبسطاء بيشربوها وهل هى ميه بالمواصفات بالمواصفات العالمية بتاعة العالم الأول ولا هى مية ؟ تدركون أنتم الباقى التحقيق صوت وصورة قى حديث المدينة فاصل مفيد فوزى : رئيس الشركة القابضة لمياه الشرب والصرف الصحى ماذا يقول فى هذا المجال ؟ أولا عايز أعرف منك أنت كنت ضابطا فى القوات المسلحة إيه علاقاتك بمياه الشرب ؟ نصرعرفات : أنا الأول برحب بحضرتك مفيد فوزى : لأ ما ترحبش إنت تخش فى الموضوع مباشرة وتقولى إنت علاقاتك إيه بمياه الشرب ؟ وعلاقاتك إيه بالجبل الأصفر؟ وإنت بتكلمنى الكانيرا بتجيبك وإنت حضرتك بتكلمينى الكاميرا بتجيبك ما تعملش زى المحترفين وتعقد تبص فى الكاميرا نصرعرفات : إحنا يمكن بعد حرب 67 كلنا كمهندسين إتخرجنا من كلية الهندسة كانت الأوضاع ساعتها يمكن مظلمة شوية وقررنا جميعا أن ننتمى إلى القوات المسلحة كمهندسين خريجى كلية هندسة جامعة القاهرة والكليات الأخرى لإزالة أثار عدوان حصل وإحتلت أرض سيناء وغيرها من الدول العربية وبالتالى توجهنا نزاول عملنا كشباب حريص على هذا البلد إنضمينا إلى القوات المسلحة لغاية حرب 73 إنهينا حرب 73 ثم تدرجنا فى القوات المسلحة فى المجالات المختلفة الهيئة الهندسية والهيئة الهندسية بتقوم بجميع الأعمال الخاصة الهندسية بما فيها مياه الشرب والصرف الصحى للقوات المسلحة مفيد فوزى : ده كان إهتمامك فى هذا الوقت سيدى عايزأعرف هل حقا أن شبكات المياه فى مصر مصنعة من مواد محرمة دوليا ؟ نصرعرفات : أستطيع أن أوكد لحضرتك لأ وإذا كانت الناس بتقول نوع الإسبستوس هو محرم دوليا محرم دوليا لصناعته لأن الأمراض اللى بتيجى منه أمراض تنفسية عند إنتاجه ولذلك المصانع وقفت عندنا التقارير العالمية وتقارير وزارة الصحة المصرية لا تأثير تماما للمية عندما تنقلها مواسير الإسبستوس مفيد فوزى : الخصوبة الزراعية إيه خطورتها على المية ؟ نصرعرفات : الخصوبة الزراعية هى إستخدام مواد السماد بإسلوب إنتشر شوية فى الفترة الأخيرة مية الرى جزء بيشربها النبات جزء بتتسرب للتربة وجزء بيتبخر ومحسوبة والرى والزراعة حاسبين هذا الكلام هذا الجزء نتيجة إستخدام الأسمدة دائما بيتسرب إلى المياه الجوفية وبالتالى بيؤثر على المياه السطحية ما يسمى السطحية اللى هى لغاية 10 متر وعلشان كده إحنا ما بنجبش مية للناس من ألأبار على هذا العمق أقل عمق بنصل لى 60 متر ويصل إلى كيلو فى بعض المناطق لإستخراج المياه الإرتوازية وبالتالى هو يؤثر على بعض الطلمبات التى تنفذها المواطنين لأنوا بياخد من مية سطحية أقصى عمق ليها 10 متر مفيد فوزى : لماذا إرتفعت معدلات الفشل الكلوى فى مصر ؟ ما الأسباب غير المياه ؟ نصرعرفات : أنا أستطيع أؤكد طبقا لكلام وزير الصحة إنه ليس علاقة بالمية ولكن الفشل الكلوى بينتج عن طريق الضغط إرتفاع الضغط عند المواطنين هو اللى بيسبب له تأثير على أداء الوظايف فى الجسم وظايف أجهزة الجسم مفيد فوزى : ملهاش علاقة بالمية خالص ؟ نصرعرفات : أوكد زى ما أكد وزير الصحة وهما لهم جهة رقابية علينا أن المياه ليس لها علاقة بهذا الكلام ولكن كلمة لكن هنا إستخدام المية داخل الوحدات العقارية فى الكثير بيلجأ إلى الخزانات فى البيوت الشبكات اللى بتتعمل فى المنازل وخاصة المساكن الشعبية هذه الأنواع نتيجة طول المدة وعدم وجود ثقافة الصيانة ممكن يحصل فيها تفاعلات بين المية وبين المرافق الداخلية للبيوت والخزانات ويحصل فيها نوع اللى بيتقال فيه المية عندنا ملوثة وفيها كذا لكن أنا أستطيع أن أؤكد المية فى محطات المية أرقى بكثير مما هو معبأة فى القزايز مفيد فوزى : من فضلك الإنسان المصرى بيستهلك قد إيه مية فى السنة ؟ نصرعرفات : مية شرب ؟ مفيد فوزى : أه نصرعرفات : مية شرب إحنا المعدلات عندنا أعلى من دول كتير لأن عملنا إتصالات بكل الدول وشفنا المعدلات إحنا المية اللى بننتجها عندنا تخلى نصيب الفرد 250 لتر للفرد فى اليوم بننتج كمية مية تغطى ال90 مليون مواطن بنسبة 250 لتر وهذا أكثر من بعض الدول مفيد فوزى : فى العالم إيه النسبة ؟ نصرعرفات : فى العالم أنا كنت فى المانيا ومعانا خبرا 120 لتر للفرد فى اليوم والخبير لسه موجود عندنا وبيحاولا إن هما يرشدوا هذا الإستخدام كمان مفيد فوزى : هل الترشيد ده فى خدمة البلد ؟ نصرعرفات : مؤكد مفيد فوزى : مؤكد إنت ال250 كتير ؟ نصرعرفات : كتير مفيد فوزى : بترشدها إزاى ؟ نصرعرفات : هى اساسها حاجتين وبردوا بالدراسات مع الناس دى يا أما بتوعية المواطن اللى بيستخدم وكيف وكيف يحافظ على هذه المية ؟ وحضرتك مواطن زينا وبتشوف الخراطيم اللى بتغسل العربيات واللى بيغسلوا بها الأرصفة مفيد فوزى : كل دى مية نقية؟ نصرعرفات : كل دى مية نقية التوعية الحاجة التانية أن المواطن يدفع تمن الخدمة علشان يرشد فيها علشان يقلل الإستخدام هما حاجتيت إتنين بس يا توعية المواطن بأهمية هذه السلعة الإستراتيجية اللى هى تمس حياته ويقتنع بهذا ويبقى تصرف ذاتى يا أما من تقدم له هذه الخدمة يدفع تمنها علشان يحاوزل يرشد فيها مفيد فوزى : أنا بكلم حضراتكم الأن من المعمل الرجعى للمية وأنا فهمت إن المعمل المرجعى دا معناه إنوا زى ما يكون بالظبط كده محكمة النقض بالنسبة للمية أى عينات بتيجى للمعمل المرجعى هنا الكلمة الأخيرة دكتور محمد بكر الكلمة الأخيرة للمعمل المرجعى بمعنى إيه ؟ د/ محمد بكر : الترجة الحرفية لكلمة المعمل المرجعى اللى هو بمعنى أى تضارب فى أى نتايج تحاليل طبعا إحنا عارفين إن مياه الشري فى مصر فيها بعض الأماكن اللى هى بتعمل تحاليل زى وزارة الصحة وجهاز حماية المستهلك فكل الأماكن دى بتعمل تحاليل النتيجة بتعاتنا هى الفينل بالنسبة للقرار النهائى وبالنسة لتحاليل مية الشرب مفيد فوزى : بين مين ومين بتحدث عملية التنافس أو عملية التضارب ؟ د/ محمد بكر : طبعا وزارة الصحة هى المسئولة عن إصدار القوانين والتشريعات بتاعة مياه الشرب فى مصر وهى الجهة المسئولة عن مية الشرب فى مصر إحنا كشركة قابضة إحنا اللى بننتج يعنى إحنا المصنع اللى بينتج المية وبالتالى إحنا بيهمنا جدا إن إحنا نحافظ علة نوعية المية اللى بتصل للمواطنين مفيد فوزى : التضارب اللى بيحصل ده بيبقى بين مين ومين علشان خاطر حضرتك تاخد موقف الحكم الصحيح والدقيق ؟ د/ محمد بكر : زى ما قلت لحضرتك إنوا فيه جهاز إسمع جهاز حماية المستهلك دا بياخد حاجات وبيحللها وفيه وزارة الصحة بمكاتبها المنتشرة فى جميع محافظات الجمهورية مفيد فوزى : جهاز حماية المستهلك دا تبع مين ؟ د/ محمد بكر : وزارة الإسكان دا جهاز حماية مياه الشرب لاغير فيه جاهز حماية المستهلك طبعا دا عارفينه للبضايع والكلام دوا دا جهاز إسمه جهاز تنظيم مياه الشرب وحماية المستهلك مفيد فوزى : دا تبع وزارة الإسكان ؟ كويس د/ محمد بكر: فهو صلاحياته إن هو بياخد عينات وبيحللها مفيد فوزى : اسألك سؤال دقيق هل وزارة الصحة لديها معامل ؟ د/ محمد بكر: وزارة الصحة لديها معامل لكن بكل أمانة معامل وزارة الصحة والفنيين اللى فى وزارة الصحة يعنى معاملها بالنسبة لمعاملنا كشركة قابضة منتجة للمية مساوها اٌل شوية وخاصتا فى المحافظات ومكاتبها المنتشرة فى المحافظات مفيد فوزى : قصدك تقول إنها ضعيفة ؟ د/ محمد بكر : مش عايزين نقول ضعيفة هى أقل فى المستوى مفيد فوزى : قصدك تقول إنها متواضعة جدا ؟ د/ محمد بكر : لأ مش متواضعة لأ ضعيفة وأقل فى المستوى من معاملنا مفيد فوزى : إنت لما بتجيلك المية إيه الدور اللى إنت بتقوم بيه مباشرة ؟ د/محمد بكر : أنا اللى بحيب المية كمان مش بتجيلى أنا مسئول عن جمع المية من أول ما تخرج من محطة التنقية فى جميع أنحاء الجمهورية لحد خنفيات بتاعة المواطنين فى المنازل وأنا اللى بجيبها بنفسى محدش بيجبهالى مفيد فوزى : الأساتذة هما كلهم كيميائيين ؟ د/محمد بكر : كيميائيين لأن المية فيها تحليل كيميائى وتحليل بكترالوجى وتحليل بيولوجى فكلا فى تخصصه فى كيميائيين وفيه تخصص بكترالوجى وفيه تخصص بيولوجى كمان مفيد فوزى : فهمينى دول بيعملوا إيه بالظبط ؟ د/محمد بكر : المعايير المصرية اللى منصوص عليها قانون 450 لسنة 2007 دى أخر معايير مصرية مذكرو فيها بنود لتحليل المية المعايير الكيميائية مفيد فوزى : إيه هى ؟ د/محمد بكر : المعيير الكيميائية زى مثلا الأملاح اللى دايبة فى المية المعادن التقيلة المعايير البلكتولوجية زى البكتريا ومولوثات البكتريا والمعايير البيولوجية زى الديدان والبرتوزوا دا بإختصا فيما يخص المعايير كلها فكل معمل من المعامل هنا مختص بتحليل الجزء اللى يخصه كيميائى أو بكترولوجى أو بيولوجى مفيد فوزى : الحكم الدقيق بيبقى إيه ؟ عبارة عن إيه ؟ د/محمد بكر : الحكم الديق هنا الشيىء بالشيىء يذكر طبعا المعمل حاصل على شهادة الأيزو على أعلى شهادة وحاصلين فيها بكل شرف عن عدد التحاليل اللى بنقسيها بتغطى 95% من المواصفات القياسية المصرية مفيش معمل فى الشرق الأوسط على بيعمل ده على مسئوليتى فبنتأكد من العينات اللى جاية مطابقة للمواصفات بنبص للمةاصفات القياسية المصرية محددين فيها الحدود القصوى اللازمة تواجدها فى عينة المية مفيد فوزى : تسمح تقولى إيه الحدود القصوى اللازمة تواجدها فى عينة المية لدرجة إن أنا لما أجيب جهازتنقية فى البيت يبقى بالنسبالى خطر؟ جهاز التنقية اللى بيتباع ده بتفضلوا ولا بترفضه ؟ د/محمد بكر : برفضه رفضا باتا وقاطعا مفيد فوزى : لحظة الراجل ده المحترم ده مسئول المعمل المرجعى للمياه بيقولى نرفض تماما جهاز التنقية جهاز التنقية ده عبارة عن جهاز بيحطوه فى البيت علشان خاطر تنزل فيه مية الحنفية ويحدث لها عملية تنقية لكن ليه بيرفضوا دا اللى عايز أعرفه ؟ د/محمد بكر : ولو رفضناه أنا برفضه بروف يعنى أنا ما بقلش كلام مرسل يعنى إحنا نروح لجهاز نجيبه ونحلل المية اللى خارجة منه وتورى الناس ليه بنرفضه ليه بقى ؟ لأن المية أوردى جاية فى حنفية الناس منقاه دى دى مية منقاه ننقيها زيادة من إيه ؟ مفيد فوزى : لحظة من فضلك المية اللى جاية ف الحنفية إنت بتقول مية منقاه جهاز التنقية لما بيطلع من المية اللى هى جاية من الحنفية بيحصل إن فيه رواسب وأنا شفتها فى الكوباية طيب اللى أنا عايز أفهمه هل المية اللى بنشربها لازم تحتوى على نسب معينة من الأملاح ؟ د/محمد بكر : دا حقيقى ونرجع للمواصفات القياسية زى ما قلتا على سبيل المثال فى رقم إسمه الأملاح الكلية الزائدة فى مية الشرب مفيد فوزى : سؤال هل جهاز التنقية بيشيل هذه الأملاح ؟ د/محمد بكر : لأ ما ينفعش يشيلها لأن الجسم بيحتاج الأملاح دية هو بينقى الشوائب مفيد فوزى : يعنى إيه الشوائب ؟ د/محمد بكر : الشوائب هنفترض المية خارجة من محطة التنقية وبتمشى فى شبكات المواسير الشوائب دى ممكن تيجى من المواسير وبتيجى من السبب التانى والشائع عندنا فى مصر الخزانات العلوية اللى فوق المنازل الخزانات العلوية اللى فوق المنازل لو الغطا بتاعها متساب عريان لو المواسير بتاعتها مش مظبوطة فدوا بيسبب الشوائب كلمة شوائب مش معناها حاجات ضارة دى شوائب بتبقى من الجو تراب هى دى الشوائب اللى بتبقى موجودة فى المية اللى بيحجزها الفلتر أو الجهاز اللى بيتركب على الحنفيات مفيد فوزى : عايز أقول حاجة طبعا الدكتور محمد بكر خجلان يقولى أحيانا قطة تطلع عليه ووتغرق وتفضل فى الخزان أحيانا راجل يطلع ينضف الخزان بملابسه الداخلية وينقل البلاوى أحيانا ناس ترمى فيها حاجات وأحيانا تطلع فيها مش قادر أقول لأنوا إذا كان البرنامج ده بيذاع فى المساء حضراتكم على وشك العشاء فيجب إن أنا الم لسانى وأسمع الكلام العلمى من الدكتور أنا عاوزك تقولى الحقيقة ما تجملش حاجة ؟ د/محمد بكر : لأ مش هجمل الحقيقة هى مش قطة هى عصفورة عصفورة معدية الغطا مفتوح تنزل العصفورة خلاص بوظت الخزان خلاص بقت مزرعة بكترية والبكتريا تنموا مفيد فوزى : إيه يا دكتور إنت رومانسى ولا إيه ؟ يعنى إشمعنا إخترت عصفورة أنا بقلك قطة طلعت على الخزان يعنى العصفورة ممكن تلوث المية ؟ د/محمد بكر : طبعا طبعا العصفورة ممكن تلوث المية هى بقى الخطورة فى الخزانات أحنا بنحلل المية وهى داخلة العمارة من تحت نلاقيها مطابقة نطلع ناخد من الخزان ومية الحنفية نلاقيها بايظة خالص بسبب الخهزانات العوية اللى فوق المنازل مفيد فوزى : شفته قد إيه البلوة اللى بتيجى من خزان المية اللى فى السطوح أعتقد إنوا من الممكن جدا الإنتباه الشديد لخطورة خزانات المية الطرومبات بيسموها الحبشية ليه إسمها الحبشية فهمنى ؟ د/محمد بكر : دا لفظ أخذناه من زمالن من أجدادنا طلمبة حبشية على أساس الناس بيدقوها بنفسيهم مفيد فوزى : طب فهمينى إيه الخطورة فيها مدام أنا بجيب مية فى الريف بالطرمبة؟ د/محمد بكر : أولا أنا بجيب مية على عمق بسيط 10 ، 15 متر هنا هو ما جبش مية بير مية من جنب البير إذا كان فيه ترعة ولا حاجة بيسحب من الترعة فدى مية ملوثة وبعدين يوصلها مبتشرتا للشرب مفيد فوزى : يعنى جايب مية من الترعة وبيشرب مباشرة د/محمد بكر : الأبار بتاعتنا بتاعة الشركة القابضة أو الشركات التابعة بنسحب مية من على أعماق بعيدة وناخدها ننقيه قبل ما نبعتها للشبكات مفيد فوزى : إذا الطرمبات الحبشية موصل جيد للأمراض والبلاوى ؟ د/محمد بكر : بالظبط دا حقيقى إحنا إدارة التوعية عندنا شغالين للأسف الشديد اللى ليه ظبطية قضائية فى إزالة طرمبة حبشية فى المحافظات ووزارة الصحة مفيد فوزى : دكتور بكر اسألك سؤال عندنا مية معدنية ولا دا نصب ؟ د/محمد بكر : لأ مفيش حاجة إسمها مية معدنية معندناش هنا فى مص مية معدنية كل اللى فى القزايز ده إسمها ميله طبيعية مفيد فوزى : الراجل بيقول بكل الوضوح معندناش فى مصر مياه معدنية أقدر اسأل سؤال تانى هل بعض الشركات حقا بتعبى قزايز البلاستيك من الحنفية ؟ د/محمد بكر : الحقيقة فيه مواسم عندنا اللى هى مواسم الذروة اللى هى موسم الصيف ده يعنى قوة المصنع فى تعبية القزايز فى أوقات الذروة بيبقى مش متاحة إنوا ينزل الكمية دية فى بعض الأحيان وإحنا بالتحاليل دى أثبتنا إن المية اللى موجودة فى قزازة المية الطبيعية دية بنلاقيها نفس مواصفات مية الحنفية دى بالظبط ودوا يثبت إن هما ممكن يعبوها بمية الحنفية مفيد فوزى : إذن مية الحنفية ممكن تدخل ببساطة على اساس إنها مياه معدنية طبيعية والحقيقة إنها ليست مياه طبيعية على الإطلاق وإنها فى النهاية مية حنفية فاصل مفيد فوزى : اللى بتقوم به نا كدور هو إنك إنت بتوصل إلى مدى خطورة هذه المية ؟ ولا إيه بالظبط؟ عمروسيد : أنا هنا ككميائى بحلل المية وفيه مدير هنا ليا هو اللى بيعمل تحليل للنتايج اللى أنا طلعتها من خلاله يقدر يقول المية دى ساقطة أو صالحة أوغيرصالحة مفيد فوزى : زى ما بتشتغل سيبك منى بس مجرد إنك ترد عليا إيه اللى بتعمله بالظبط ؟ محمد عطية : أنا دلقتى فيه تست إسمه تيست النايتريد مختص بالمركبات الغير عضوية فى الميه أنا إختصاصى هنا هو النتريت فيه خطورة على وجوده فى الميه نفسها مفيد فوزى : نعمل إيه ؟ محمد عطية : دا كملوث بيعمل مشاكل فى الجهاز الهضمى للإنسان مفيد فوزى : إنت إيه رأيك فى حالة مياه النيل فى مصر ؟ محمد عطية : هو أنا شايف إن مية النيل نفسها ربنا أنعم علينا بنعمة جميلة جدا مية نهر النيل لكن إحنا كمصريين هما اللى أههدروا هذه النعمة مفيد فوزى : إزاى ؟ محمد عطية :طبعا الإستخدام السيىء للميه وجود مصانع وورش حاجات كتير طبعا بتسبب تلوث هنا فى مية النيل تعمل مشكلة طبعا إحنا كشركات ميه أو محطات مية بتأثر علينا إحنا كتنقية يعنى إحنا بتبقى المشكلة أساس شركات المية نفسها لكن المية كمصدر رئيسى الإنسان أو المواطن يعنى المواطن هو بيحاسبنا لأ المفروض إحنا اللى نحاسب المواطن لأنوا المواطن عنده مفيش إهتمام أو هو عايز فى الأخر إن هو يشرب مية نقية مفيد فوزى : والله هو المواطن لما يبقى عايز يشرب مية نقية دا حقه وبعدين من حق الدولة إنها تقدمله مية نقية بأى شكل من الأشكال حضرتك النهاردة كا كيميائى واقف بتشتغل فى المعمل المرجعى معنها إن أنا مأمنك على حياتى وحياة حفيدى وحياة بيتى إنك المية اللى تخش بيتى تبقى مية نقية لأنها بتخش أيضا فى الطعام ططب بزمتك إنت الشاى بتاعك فى الغلاية بتحط مية قد إيه ؟ محمد عطية : مية حنفية أكيد والله مية حنفية ؟ مفيد فوزى : أنا ما بحطش مية حنفية أنا بحط هذا الذى يسمى مياه معدنية وهى ليست معدنيو بريئة من المعدنية بحطها فى الغلاية اللى هى بالكهربا علشا خاطر تسخن محمد عطية : أنا كمواطن مصرى أنا شغال فى المعمل المرجعى أو شغال فى شكة مية بجد والله سواء بشرب كوباية شاى سواء هنا أو فى شغلى من مية الحنفية مفيد فوزى : إنتم الحكومة ، أفهم بتعمل إيه ؟ محمد بركات : الحقيقة دا جهاز عنده القدرة إن هو لو فيه أكتر من عنصر موجود فى المية بشروط ومواصفات معينة إن ههو يفصلها وأقد أنا أتعرف عليها مقارنتا بمادة قياسية مفيد فوزى : يعنى إنت هنا عملية التنقية بتتم بالجهاز ده ؟ محمد بركات: لأ أنا هنا بتعرف على مواصفات المية بتاعتى مفيد فوزى : المية اللى جايلك ؟ محمد بركات: بالظبط سواء كانت مية شرب أو مية النيل أو الترع أو كده بتأكد من مواصفاتها وبنتأكد إن هى مبتعداش الحدود المسموح بيها مفيد فوزى : الكلام دا بتعلموا لمين ؟ يعنى أنا أفهم إن المعمل المرجعى هو اللى بيحل الأزمة ما بين أى مية بتيجى ووزارة الصحة ولا أنا غلطان ؟ محمد بركات: أنا كا كيميائى بعلن دا للقيادات طبعا المفروض دكتور بكر أو دكتور محمد المدير المعمل الغير عضوى المفروض إن هو بيقيم هذه النتايج وبيبقى عندنا لجنة مصغرة مع زملائنا مع زملائنا فى الأقسام الأخرى بنفيم بشكل عام مفيد فوزى : تقدر تقول على مية من اللى بتجيلك دى لا تصلح للشرب الأدمى ؟ محمد بركات: أه وارد مفيد فوزى : بتبقى فيها إيه بلاويها إيه ؟ محمد بركات: بيبقى فيها خلط لمياه المجارى أحيانا نتيجة مشاكل فى البنية التحتية ممكن يكون فيه تلوث من مبيدات أو خلافه أو أسمدة يعنى الملوثات كتير إحنا هنا فى المعمل الغير عضوى لينا القدرة إن إحنا نتعامل مع الشق الغير عضوى إنما إحنا زملائنا فى المعمل العضوى عندهم الأجهزة العالمية والإمكانيات إن هما يقدروا معظم مش كل حاجة بس معظم الحاجات العضوية من مبيدات وأسمدة مفيد فوزى : هل لازم يبقى فى المية بعض النسب المعقولة من الأشياء المضافة إلى المية بدءا من الكلور علشان خاطر المية دى تبقى صحية يعنى أنا السؤال بتاعى هاجسه ببساطة شديدة صحة الناس اللى بتشوفنا دى محمد بركات: هو يعنى من وجهة نظرى المتواضعة يا ريت المية تبقى طبيعية 100% معلهاش أى إضافات.
