بالفيديو.. أمين: منى هلا والدغيدي بيتكلموا في الدين والشيوخ بيرقصوا

هاجم الإعلامي تامر أمين، تصريحات الممثلة منى هلا، التي قالت فيها إنَّ أي علاقة معلنة بين شاب وفتاة بدون زواج هي حلال شرعًا: "هاضطر إني أنسى قدراتها التمثيلية وإنها كانت هتبقى ممثلة كويسة، وأقولها ميصحش كده يا ماما، ومانفتيش في اللي مانفهمش فيه، وأفكارك الشخصية خليها لنفسك"
وأضاف أمين، خلال حلقة الجمعة، من برنامج "من الآخر" على فضائية "روتانا مصرية": "أنا معنديش مشكلة إنها تعيش مع صاحبها هي حرة في كده، أنا مالي، لكن أنا ليا دعوة إنها تقول كده على العلن في وسائل الإعلام وتنصح بيه".
تابع: "إيناس الدغيدي ومنى هلا بيفتوا في الدين، أومال الشيوخ يعملوا إيه، يطبلوا ويرقصوا".