بالصور.. المخرج عمرو سلامة يكشف كواليس الليلة الأخيرة مع فاتن حمامة

كشف المخرج عمرو سلامة، كواليس الليلة الأخيرة، التي جمعت بينه وبين سيدة الشاشة العربية فاتن حمامة، داخل منزلها، في أولى زياراته لها.
وقال "سلامة"، عبر حسابه بموقع التواصل الاجتماعي، فيسبوك "قابلت الأسطورة فاتن حمامة من سنتين في بيتها، قعدت معاها ساعتين من أحلى الساعات اللي قضيتهم في حياتي، سألتها عن قصة حياتها، حكيتلي كثير، حكيتلي عن حبها لبركات وكمال الشيخ، وقالتلي انت بتفكرني بكمال ، علشان تبقى أحلى مجاملة سمعتها في حياتي، مش بس علشان بحبه، علشان طلعت منها هى".
وأضاف: "وعدتها أكتبلها حاجة، ووعدتني تفكر ترجع للسينما لو الموضوع عجبها، والدنيا خدتني بعدها في فيلمين ورا بعض وماكتبتش، كنت بحبها بشكل مبالغ فيه طول عمري، وقلت لو كنت موجود في الخمسينات والستينات كنت ماعملتش فيلم إلا لو هى فيه، ولما قابلتها حبي ليها بقى أضعاف الأضعاف".
واختتم: "أنا سعيد إني قابلتك ولو لمرة، وحزين وندمان لأسباب ثانية كثير، هاتوحشيني"، وقام "سلامة"، بإرفاق صورة من داخل المنزل التقطها خلال زيارته.