بالفيديو.. موسى يطالب بتعيين أبو النجا قائدًا للعمليات العسكرية في سيناء

كتب عبد الفتاح العجمي
بعد تصريحات الفنان خالد أبو النجا والتي قال فيها: «قريبًا سنقول إرحل للسيسي»، تهكم الإعلامي أحمد موسى، عليه قائلًا: «في حاجات بتضّحك في البلد دي جامد اليومين دول، من شخصيات ملهاش أي لزمة في المجتمع».
وطالب «موسى»، خلال حلقة اليوم من برنامجه «على مسؤوليتي»، المذاع على فضائية «صدى البلد»، الرئيس عبد الفتاح السيسي، بإصدار قرار جمهوري بتعيين الفنان خالد أبو النجا قائدًا للعمليات العسكرية فى سيناء، متابعًا بسخرية: «أصل الأستاذ خالد مش عاجبه الشغل في سيناء، وعنده ملاحظات كتيرة، مش عاجبه الناس اللي سايبة بيوتها ورايحين يحمونا، يبقى الحل أنه بكونه رجل عسكري وله تاريخ عسكري معروف للجميع، يروح بقى يقعدله 3-4 شهور هناك في سيناء وإحنا هنشوف هما هيعملوا إيه، وياخد اتنين تلاتة من العيال بتوعه».
وأضاف: «خالد أبو النجا عامل نفسه عنتر بن شداد، إيه الظرافة دي، وبعدين أنت مالك ومال السياسة، عرفتها فين؟ .. نصايحك خليها لنفسك، بدل ما حد يديك نصايح وإحنا عندنا نصايح كتير ليك، يبقى تهدا أحسنلك».