نعى الفنان أحمد حلمي، الفنان الراحل يوسف عيد الذي وافته المنية، في الساعات الأولى من صباح اليوم، على صفحته الشخصية على موقع التواصل الاجتماعي «فيسبوك». كتب حلمي: «لما الناس تفتكر اسم فيلم من جمله أو إفيه قالها ممثل جوه الفيلم ساعتها لازم تؤمن ان الممثل ده عنده حضور وكاريزما عاليه وان الناس بتحبه ده كان يوسف عيد الله يرحمه، بمجرد انك تشوفه لازم تبتسم تضحك حتى لو مقالش ولا كلمة روحه حلوة وطلته خفيفة تلاقيه دايما موجود في بالك ودايما بتفتكره». واختتم حلمي: «حتى لو مكونتش بتشوفه كل يوم أو حتى مرة كل سنة الله يرحمه ويحسن إليه كنت دايما بتمنى إنه يكون معانا في أي فيلم بنعمله وإني اشتغل دايما معاه المشهد اللي فيه الأستاذ يوسف كان دايما بيضيف بسمة وضحكة لاتنسى وكانت الناس احيانا بتفتكر اسم الفيلم من إفيه قاله يوسف عيد».