لو انت بنى آدم

لو انت سلفى، فيه سلفى مات اسمه (سيد بلال)، وحقه ماجاش.. لو انت إخوانى، فيه إخوانى مات اسمه (مصطفى الصاوى)، وحقه ماجاش.. لو انت أزهرى فيه شيخ أزهر مات اسمه (عماد عفت)، وحقه ماجاش.. لو انت مسيحى، فيه مسيحى مات اسمه (مينا دانيال)، وحقه ماجاش.. لو انت أهلاوى فيه أهلاوى مات اسمه (محمد مصطفى)، وحقه ماجاش.. لو انت زملكاوى فيه زملكاوى مات اسمه (شهاب)، وحقه ماجاش.. لو انتى بنت.. فى بنت اتسحلت واتهانت كرامتها وحقها ماجاش.. فيه 17 بنتا اتكشف عذريتهم وماتنفذش الحكم القضائى اللى كسبوه.. وحقهم ماجاش.. لو انت أب أو انتى أم.. فى آباء وأمهات قلبهم متحسر على ولادهم اللى حقهم ماجاش.. اقترب الموعد.. وإن غدا لناظره قريب! (استيتوس من عند شادى عاطف) Top of Form. الآن عرفنا لماذا توجد أزمة فى الأنابيب والبنزين، حيث يبدو أن المجلس العسكرى سيرميها على البلد من طائراته كهدية فى احتفالات الثورة.
استعان المجلس العسكرى بتامر حسنى الذى تهرب من الخدمة العسكرية وشتم الثورة واتضرب فى ميدان التحرير وبكى بكاء السهوكة ليغنى فى احتفالات الثورة.. غالبا سيغنى للثورة خليها تاكلك، وأنا أعد تمورة أنها ستأكله.