* أحد المعارضين: إحنا عايزين واحد يغير البلد زى شيكا بالا.. وأخر: انتوا عايزين تولعوا البلد الشعب اختار اللي يتكلم باسمه * مؤيد للثورة: لو سلفي سيد بلال حقه مجاش ولو إخواني مصطفى الصاوي .. ولو مسيحى مينا دانيال ولو زملكاوى فيه شهاب ولو أهلاوي انزل عشان محمد مصطفى
كتب – عاطف عبد العزيز : بعد 48 ساعة من طلب أدمن صفحة كلنا خالد سعيد على موقع فيسبوك من المشتركين في الصفحة المؤيدين لاستكمال مطالب الثورة يوم 25يناير بالضغط على علامة إعجاب، وممن هم ضد الثورة بكتابة تعليق موضوعي يشرح فيه سبب كراهيته لها، وصل عدد المؤيدين للثورة إلى أكثر من 76 الف مؤيد. فيما وصل عدد من كتبوا تعليقات إلى 6الاف 608 معظمهم من المؤيدين لمطالب الثورة وعلقوا على المنشور رغم وضوح طلب الأدمن، ومن أبرز التعليقات التي جاءت على المنشور من المعارضين للثورة : - إحنا عايزين واحد يغير البلد زى شيكا بالا . - نفسى افهم الشعب المصرى نزل بالملايين وعمل الثوره ونجحت واتعملت الانتخابات ، والشعب اختار إللى يمثله ... ليه الدعوة لمظاهرات تانى من اقليه عددهم لا يتعدى بضع الآلاف.. هو انتم عايزين تنزلوا تولعوا البلد .. الشعب اختار اللى يتكلم باسمه. - أنا مع الثورة لكن ضد الفوضي وضد ديكتاتورية الثوار. - مفيش حاجة حصلت من الثورة لحد دلوقتى.. يا جماعة عايزين نهدى شوية لحد أول شهر 7 لحد تسليم السلطة... كفاية بقى لحد كده . فيما كان من أبرز التعليقات التي جاءت على المنشور من المؤيدين للثورة واستكمال مطالبها : - مع الثورة ونازل 25...قتله الشهدا لسه ماخدوش جزائهم...إحنا اللي هناخد حقنا...لا يضيع حق وراءه مطُالب . - كل من يقف ضد الثوره إما جاهل غير فاهم أو بلطجى . - إنشاء الله يوم 25 يناير حنكمل ثورتنا ونرد كرمتنا اللي أخذها منا المجلس العسكري. - لو آنت سلفى فيه سلفى مات إسمه سيد بلال و حقه مجاش . لوإنت إخوانى فيه إخوانى مات إسمه مصطفى الصاوى وحقه مجاش . لوإنت مسيحى فيه مسيحى مات إسمه مينا دانيال وحقه مجاش . لو إنت أزهرى فيه شيخ أزهر مات إسمه عماد عفت و حقه مجاش . لو إنت زملكاوى فيه زملكاوى مات إسمه شهاب وحقه مجاش . لو إنت أهلاوى فيه أهلاوى مات إسمه محمد مصطفى و حقه مجاش لو أنتا ضابط شرطة فيه لواء اسمه البطران مات وحقه مجاش لو أنتا جيش فيه جنود ماتت على الحدود وحقها مجاش لو أنتا كنبة فيه واحدة كانت ممكن تكون أختك أتعرت فى الشارع و حقها مجاش .