عم جمعة والعلاوة والبقال

يافتاح يا عليم يا رزاق يا كريم ، عم جمعة الساعي في احد شركات القطاع الخاص الساكن في احد ضواحي مدينة الجيزة يصحو من نومه مع اذان الفجر ليشق طريقه الي عمله في المعادي ، يركب خلال طريقه من البيت الي العمل اربعة مواصلات ما بين مايكروباص واتوبيس ومترو ليذهب الي عمله اول فرد في الشركة ليقوم بكنس ومسح وتحضير الشاي والقهوة والنسكافيه للموظفين ، و يخرج من الشركة اخر فرد بعد غلق الشركة رجل بسيط ليس له اي اهتمام سوي عمله ورعاية بيته واسراته المكونة من زوجة و ثلاث اولاد الي هنا كل شئ يبدو طبيعيا ، ولكن عندما يصحو في يوم من الايام للتوجه الي عمله وفي طريقه للعمل يخرج 3 جنيهات من جيبه ليشتري علبة سجائر فيفجئ بالبائع يطلب منه 1.5جنيه اخري ليصدم بغلو علبة السجائر الكيلوباترا الي مرة ونصف ثمنها مما جعله يباغت البائع ويعلن امامه امتناعه عن التدخين نهائيا حسنا ما فعلت الحكومة عم جمعة بطل السجاير وهيوفر ثمانها حسابها صح ، ذهب الي الميكروباص فوجد الاجرة بقت الضعف المرة دي مش هيقدر يحسبها صح بينه وبين نفسه قال اللي وفرته السجاير خده الميكروباص و اكني لسه مبطلتش سجاير متشلش في دماغك عشان متتعبش ، وصل الي عمله وقام بعمله اليومي وذهب الي استاذ محمد كل شهر وانت طيب يا باشا و انت طيب ياعم جمعة ابسط يا عم زيادة 10 % علي المرتب ادعي لصاحب المال با دعي له في كل اذان ، امسك عد وامضي قدام اسمك 535.25 جنيه صح ايوة يا سيدي يعني الزيادة 12.5 جنيه ايوة ما هي الزيادة علي الاساسي اللي في التامينات امضي امضي بلاش غلبة خليني اشوف غيرك ، يعد الفلوس عم جمعة ويحطها في الشراب ويلف حولين الشراب 6 اساتك جامدين عشان الحرامية وياخد طريقه للبيت ، في الطريق بيقعد يحسب 60 جنيه ايجار الشقة 25 جنيه مياه ونور 150 جنيه موصلات 200 دروس خصوصية يبقي 100 جنيه ، احود اجيب شوية حاجات من البقال هات ياحاج شاي وسكر ورز، لاقي البقال بيقوله كيلو الارز بقي 4 جنيه والسكر 4.5 جنيه ، فقاله عم جمعة انتم خدتوا خبر بالزيادة قالوا لا لسه الزيادة جاية بعد ما الحكومة هترفع سعر الكهرباء والغاز علي المصانع الاسعار دي هنترحم عليها هيبقي كيلو السكر ب 10 جنيه ، بص له عم جمعة و اشتري منه كام كيلو رز وكام كيلو سكر وازازة زيت القصد طير ال 100 جنيه ، وراح لام العيال وجيبه انضف من الصيني ، قبضت يا جمعة ايوة مش شايفيني داخل بالتموين ، دا كمان جابولنا علاوة 12.5جنيه بحلهم ، حلوين يا خويا رضا الحمد لله ، بس مالك كدة قاعد مسيم باين عليك حاجة مزعلاك ، كيلو الرز بقي ب 4 جنيه ، خلاص ياخويا بلاش ناكل رز ناكل مكرونة وهي البطن بترضي باي حاجة ، دا البقال بيقول بكرة هيبقي ب 10 جنيه ، يا خويا سيبها علي ربنا ومتفكرش عيالك عايزينك ، انا مش عارف هنعيش ازاي في الغلي ده هنعلم ولا هناكل دي يا ربي انا عندي 3 عيال بس امال لو كانو 5 ولا 6 كنت عملت ايه مش عارف ، ويقعد عم جمعة يشكي حاله لربه ولمراته لحد ما ينام ، ملوش نفس لاكل ولا لشرب ولا لحياة ، يصحي من عز نومه مفزوع يجري يبص علي عياله وهو بيفكر في مستقبلهم وايه مخبي ليهم الزمن ، مصر فيها 40 مليون عم جمعة رضين بحلهم واللي قسموا ربنا ليهم ، ملهمش دعوة بالسياسة ولا اي شئ ، بس مش عايزين من الساسة غير لما يجوا يقروا قوانينهم يراعوا ظروفهم ، و القونيين دي متاثرش عليهم ، اخيرا في شتي دول العالم تقاس نجاح الحكومات بمدي اسعاد الشعوب ، ولكن في مصر المحروسة وبينما تقبل الحكومة والحزب علي انتخابات برلمانية مرتقبة بعد بضع شهور ، تصر الحكومة علي انتهاج سياستها في تضيق الخناق علي الشعب و الهائه بضغوط اكثر حتي لا يجد الشعب الوقت في التفكير في اي شئ سوي كيف يجد لقمة عيشه .!!!