أخبار الأهلي: شوبير يكشف طريقة لعب الأهلي أمام الزمالك وورقة كولر الرابحة في نهائي السوبر

أخبار الأهلي: كشف الإعلامي أحمد شوبير حارس مرمى الأهلي ومنتخب مصر السابق، طريقة لعب الأهلي المنتظرة في مباراة نهائي كأس السوبر المصري أمام نظيره الزمالك في المباراة المرتقبة مساء اليوم الخميس.
وقال أحمد شوبير في تصريحات إذاعية: «طريقة الأهلي معروفة ولا تتغير هو كولر هيلعب 4/2/1/3 أو 4/3/3، وكل المؤشرات بتقول إن كولر عايز يحافظ على طاهر محمد طاهر أساسيا في التشكيل بعد ما سجل هدفين في شباك نادي سيراميكا كيلوباترا».
وتابع شوبير: «الكلام كمان إن فيه نية للدفع بحسين الشحات في الجناح الشمال ويقعد بيرسي تاو على الدكة بس عموما ما تعرفوش لكولر حاجة هل يعمل كده ولا لأ مش عارف، لكن المؤكد إمام عاشور سيعود لمركزه الأساسي في وسط الملعب ومش هيلعب جناح يمين زي الماتش اللي فات».
وأضاف كولر: «فيه صراع كمان بين إمام عاشور ومحمد مجدي أفشة على اللعب أساسي، ورأيي إن أفشة وإمام عاشور ما يلعبوش مع بعض الراجل كان بيحط أفشة احتياطي مش تقليلًا من أفشة ولكن راي الراجل إنه لاعيب بينزل يشقلب له الجيم فهو ورقة رابحة في إيده وأعتقد هيعمل كده النهاردة».