أخبار الأهلي : ميدو يرد من جديد على شيكابالا : أسهل حاجة الردح !

أخبار الأهلي : رد الإعلامي أحمد حسام ميدو، مقدم برنامج «أوضة اللبس» على محمود عبدالرازق شيكابالا قائد فريق الزمالك بعد تغريدته المثيرة أمس، التي فسرها ميدو على أنه المقصود بها.
ميدو: عمري ما هرد على اللي قاله شيكابالا
وقال ميدو من خلال فيديو له عبر حسابه بموقع التواصل الاجتماعي «تويتر»: «عمري ما هرد على الكلام اللي قاله شيكابالا، عمري في حياتي حد دخل بيتي أو أنا دخلت بيت حد وأكلت معاه عيش وملح وهو زي أخويا الصغير وهرد عليه وهنضحك الناس علينا، أسهل حاجة إني أرد وأضحك الناس علينا».
وتابع: «أنا كنت بنتقد تصرف عام بقول مينفعش نعمل كدة، وإحنا كسبانين وبقول إننا كنا صغيرين ودلوقتي كبرنا ومفيش مثالية، ولكن ده جزء من شغلنا لأننا بنوصل رسالة للاعبين الصغيرين، وأنا عمري ما هرد هو أخويا الصغير وما زال أخويا الصغير، أسهل حاجة في الدنيا إننا نطلع نردح لبعض ونرد على بعض ولكن الأصل بتقول إن مينفعش نضحك الناس علينا».
أخبار الأهلي : شيكابالا في تغريدة غامضة: شكلنا هنشوف صورة تاني في الجونة
وكان شيكابالا قائد الزمالك كتب عبر حسابه بموقع التواصل الاجتماعي «تويتر»: «شكلنا هنشوف صورة تاني في الجونة»، دون توضيح قصده أو تفسيره.
وكان أحمد حسام ميدو انتقد تصرف محمود عبدالرازق شيكابالا الذي تفاعل مع سب جماهير النادي الأهلي عقب التتويج بلقب الدوري المصري، سواء في أرضية الملعب أو في شارع جامعة الدول بعد عودة حافلة الفريق إلى مقر النادي، ما استفز جماهير النادي الأهلي التي هاجمت شيكابالا عبر منصات السوشيال ميديا ورفضت ما فعله .