أخبار الأهلي : بادجي مهاجم مميز .. وكيف يتحول إلي سفاح في الأهلي

أخبار الأهلي : اليو بادجي كثير من الحماس الذي لا يجب ان يتحول الى فوضى. كيف توظف طاقة جبارة لم تُخرج ما لديها بعد ، المهاجم السنغالي صاحب ال 22 عام ، مهاجم حقيقي .لاعب عنده مقومات المهاجم الصريح ، مهاجم واعد موهبة لو تفجرت فى الأهلي تقدر تحقق مكاسب لسنوات
أخبار الأهلي : بادجي قابل للتطور في الأهلي
أخبار الأهلي : فكرة تقييم اليو بادجي انه سجل 3 اهداف وصنع هدف واحد فى 16 مباراة الموسم الحالي هي فكرة خادعة جدا . لان معدل تهديف اللاعب بيتقاس للدقيقة . بمعني ان اللاعب قدرته التهديفية بتتحسب كام هدف لكل 90 دقيقة . يعني ال 16 مباراة دول اصلهم 762 دقيقة يعني يعني تقريبا 8 مباريات بمعدل ال 90 دقيقة ، طيب فى مجمل تجربة اليو بادجي مع رابيد لعب 1825 د سجل فيهم 9 اهداف طيب لو هنقارن بأزارو الموسم الماضي اللى لعب تقريبا نفس عدد الدقائق 1819 هنكتشف انه سجل فيهم 6 أهداف. سهل كدة اني اقولك بسهولة يبقى اكيد اليو بادجي افضل . برضوا لا ومش دة اقل مواسم ازارو ولو رجعنا للموسم اللى قبله هنلاقي ازارو كان معدله التهديفي افضل من كدة بكتير.
أخبار الأهلي : بادجي مهاجم واعد
أخبار الأهلي : الفكرة كلها فى امكانيات اللاعب وهل هي قابلة للتطور ولا لا ومقوماته الأساسية. ودة اللي اقدر اتكلم فيه عن اليو بادجي اللى بيجيد جدا التمركز فى ال box وبيجيد التحرك داخل مناطق المنافس الدفاعية وكمان مميز فى ضربات الرأس نتيجة طول القامة بس الأهم بالنسبالي انه بيسدد ومعدل تسديداته على مرمى المنافس مرتفع ودى اللى افتقدناه فكرة المهاجم اللى عنده حلول. طيب هل لما يتواجد مع فريق بحجم الاهلي مع مجموعه لاعبين مميزين ومعدل خلق للفرص هو الاعلى للاهلي فى مواسمه الاخيرة هل دة هينعكس عليه وهيفجر مقوماته وارد جدا ووارد لا يتألق بالشكل الكافي . بس اللي اقدر اقوله وانا واثق ان اليو بادجي عنده مواصفات احنا محتاجينها بقوة.
أخبار الأهلي : حاجة اخيرة بيعجبني جدا فى اليو بادجي روحه ولكن بتتحول احيانا لاندفاع وعشان كدة اليو بادجي محتاج شخصية مدرب قوية تسيطر عليه. وبرضوا لمرة تانية الاهلي بياخد risk انا فى اختيار فايلر قولت انه مش الاختيار الاسهل كان ممكن بال CV تجيب مدرب فرص نجاحة نظريا اكبر ولكن النادي قرر يخوض تجربة بفلسفة مختلفة والى الان قرار النادي يحسب له. وبرضوا فى المهاجم اكيد فى رايي كان فى خيارات اقوى نظريا ولكن برضوا النادي راح لمساحة مختلفة ونوعية لاعبين بطموح مختلف وفى مغامرة جديدة . هي دي كرة القدم ومتعتها وان مفيهاش صواب مطلق.