الأهلي نيوز : فايلر يعاني من أنهيار لياقة لاعبي الأهلي .. ويرفض التمرد والكسل

الأهلي نيوز : فايلر المدير الفني للأهلي تضرر كثير ومن قبله الأهلي بتأخر التعاقد معه .. وكان أولى بمعسكر أسبانيا .. فايلر عنده أفكار فنية كتيرة عايز يطبقها والوقت مش مساعده نهائي .. وده بيجبره زي ما اعترف انه يجرب ويغير كتير عشان يستكشف كل كبيرة وصغيرة عن الفريق
الأهلي نيوز : فايلر يعاني بسبب فترة الإعداد ونقص اللياقة
الأهلي نيوز : أكبر عائق له اللياقة البدنية المنهارة مش بس الضعيفة .. فريق الأهلي لا يقوى على لعب 90 دقيقة واحدة! وضع مأسوي استلزم تدخل من فايلر وإصرار على معالجته بشكل سريع وبيعقد جلسات دورية مع توماس بل حتى شعيب المدرب الجديد هذا جزء من مهامه .. ولن يهدأ له بال قبل الانتهاء من هذا الملف لانه حاسم في تطبيع شخصيته وهويته الفنية على التيم بشكل كامل وغير منقوص
الأهلي نيوز : فايلر تقريبا جمع كل مباريات الاهلي الموسم الماضي واقترب من مشاهدتها بالكامل بل وبيجمع لقطات للاعب لاعب بكل مزاياه وعيوبه ومدى ثبات مستواه واخطاءه ونواقصه اية وبيعمل تقارير مفصلة عشان يكون بنفس خبرة المشجع مع هذا الجيل وعلى معرفة بكل ما مضى ، بيجتمع ويتكلم مع لاعب لاعب ويعرف منه هو بيرتاح ازاي في الملعب وبيحب يلعب فين ولعب في مراكز اية قبل كده عشان يعرف يستخدمه في أكتر من مكان .. مهم انك على الأقل تفهم دماغ اللاعب اللي معاك وشخصيته ورؤيته لنفسه في الملعب
الأهلي نيوز : فايلر يطبق العدالة بين لاعبي الأهلي
الأهلي نيوز : مع فايلر أي لاعب مستبعد يستحق الاستبعاد وفق للنظام الجديد .. مش هشرك لاعب وهو كسول في تدريباته ومش مجتهد .. وده النظام العادل التدريب هو التشكيل مفيش حاجة اسمها اني أشرك لاعب مجتهد في تدريباته بنسبة 60% على حساب آخر نسبة اجتهاده 90%! مش هشرك لاعب وزنه زايد جرام .. وده فير جدا عشان تلعب في الأهلي يبقى أكلك مظبوط نومك مظبوط بتأدي تدريباتك صح بتموت نفسك في الجيم ملتزم بالبرنامج البدني الخاص بيك
الأهلي نيوز : لن يشارك مع فايلر أي لاعب متمرد لاعب بيخالف تعليماته الفنية حتى لو في العموم هو نجم أو متألق .. لو معلول بكل قيمته دي خالف النظام والمهام المطلوبة منه مش هيلعب حتى لو بيسجل هاتريك كل مباراة