الأهلي اليوم : ملامح شخصية فايلر الفنية .. والأزمة التي سيواجهها مع لاعبي الأهلي

الأهلي اليوم : فايلر المدير الفني الجديد للفريق الأول لكرة القدم في النادي الأهلي ، ليس لديه طريقة لعب ثابته وشكل فريقه مع ارارو السويسري ونورنبيرج في المانيا و اندرلخت في بلجيكا و ولوزيرن في سويسرا كان مختلف مش بس في كل تجربة لا دة مختلف بين المباريات نفسها مع نفس الفريق زي ما موقع outside of the boot اتكلم عن لعبه بطريقه 4 2 2 2 و 4 2 3 1 و 4 3 3.
الأهلي اليوم : فايلر سيواجه أزمة في عقلية لاعبي الأهلي
الأهلي اليوم : (المرونة شئ جيد ولكن اللاعب المصري عنده مشكلة مع فكرة الادوار المتغيرة والتغيير في طرق اللعب في فترات متباينة واعتقد ان هيكون من الافضل جدا لو يكون تحرك فايلر مع لاعبي الأهلي في اطار فيه مرونه ولكن بشكل نسبي مش مطلق وبوجود استراتيجية وتكتيك اساسي عشان المرونة متتحولش لعشوائية مع وجود طريقة بديلة يحضر اللاعبين لها. )
الأهلي اليوم : 2- لا أحد يستطيع تصنف فايلر كمدرب هجومي او مدرب دفاعي ، فهو في مباريات مغامر بشكل غير منطقي وفي مباريات متحفظ جدا وهتلاقي اراء بتوصفه بالمدرب الهجومي وهتلاقيه في اندرلخت لعب كتير جدا 4 3 3 وكان بيميل لعدم المغامرة في اوقات كتير وهتلاقي نسبه تسجيل الفريق اللي بيدربه لاهداف نسبه جيدة وخصوصا مثلا في تجربه نورينبيرج اللي كان تاني اقوى فريق هجوميا في الدرجة التانية ولكن هو كمان بشكل عام بيستقبل اهداف كتير.
الأهلي اليوم : ( محتاج يستغل افكاره الهجومية خصوصا انه بيدرب فريق اقرب لاندرلخت في الدوري البلجيكي هو اغلب الوقت معاه المبادرة ولكن محتاج يطور من نفسه مع الاهلي في القدرات الدفاعية ولو هيلعب ب double 6 في نص الملعب زي حمدي فتحي ونيانج عشان الحرية الهجومية للفريق متأثرش على الدفاع وهو عمل ال double 6 كتير قبل كدة.
الأهلي اليوم : فايلر مش صاحب ملامح صارمة زى ما بيتقال هو مبتسم وهادى اغلب الوقت ولكن تحت الضغوط الوضع بيبقى اصعب هو تصريحاته متسرعه ضد اللاعبين وادارات الاندية وعشان كدة المؤتمر الصحفي مهم جدا خصوصا انه بيدخل في صدام مع الصحف وبيعبر عن رايه بصدامية لو الهجوم عليه غير مبرر واعتقد دور المترجم مهم فوق ما نتصور خصوصا مع الضغوط وخصوصا مع ان مؤتمراتنا الصحفية غير مهنية واسوء من اي شى اتعرض له فبحذر من فخ استدراجه لتصريحات يكون صعب التغاضي عنها.