الأهلي نيوز : تركي وبيراميدز يمنحان الأهلي أجمل صفقة في الموسم

الأهلي نيوز : يستعد الفريق الأول لكرة القدم في الأهلي للعودة مجددا لقمة بطولة الدوري العام ، ف حالة الفوز علي طلائع الجيش بعد سقوط بيراميدز في فخ التعادل أمام مصر المقاصة في بطولة الدوري العام .
الأهلي نيوز : بيراميدز يمنح الأهلي العودة لقمة الدوري
الأهلي نيوز : في وجهة نظري إن من أساسيات التحليل و النقد و التقييم في الكورة إنك تقدر تفرق بين الأندية اللي بيواجهها المدرب اللي انت بتقيمه لأنها جزء مهم من المعطيات بالتالي في حالتنا دي مقدرش أقيم أداء رامون دياز في ماتش المقاصة قياساً على ما قدمه أمام الأهلي والزمالك.
الأهلي نيوز : رامون دياز في ماتش الأهلي كان متفوق في أول ربع ساعة بالإستحواذ و اللعب الهجومي و ما إلى ذلك ثم 35 دقيقة امتلكها الأهلي تمامًا و كان يقدر يسجل فيهم هدفين على الأقل بالتالي كان مفهوم إن في الشوط التاني دياز يقرر يتراجع و يلعب دفاع منطقة في نص ملعبه و فعلاً قدر في الشوط التاني يحد من خطورة الأهلي و ساعدته تغييرات لاسارتي عشان كدة خرجت قولت إن الماتش إجمالاً تفوق فيه دياز على لاسارتي تنظيميًا.
الأهلي نيوز : بيراميدز يسقط بجدارة أمام المقاصة
الأهلي نيوز : في ماتش الزمالك بيراميدز امتلك الشوط الأول بالطول والعرض بنفس سيناريو أول ربع ساعة في ماتش الأهلي.. معرفش ليه دياز في الشوط التاني قرر يتراجع برده لكن في النهاية هو أمر مقبول أمام خصم مباشر على الصدارة أو الوصافة و فريق كبير و بيقدم موسم مميز زي الزمالك.
الاهلي نيوز : لكن مش مقبول ولا مفهوم ابدًا انه يكرر نفس السيناريو أمام مصر المقاصة و انه يسمح للمقاصة انه يلعب شوط كامل في نص ملعب بيراميدز و يتراجع هو لنص ملعبه و النتيجة 1-0 فقط !! مش مقبول و مش منطقي يبقى معاك نص ملعب فيه دونجا وقفشة والسعيد و متلعبش على الاستحواذ أمام فرق وسط الجدول، مش منطقي يبقى معاك وينجات مهارية قد تكون الامهر في الدوري زي كينو و بينافينتي و فاروق معاك مهاجم كان أحسن لاعب في آسيا في وقت ما و تبقى فريق بيدافع بعد أول جول بيسجله !