الأهلي اليوم : غضب بين الجماهير من لاسارتي ؟ لهذا السبب الأهلي متراجع ويجب الصبر

الأهلي اليوم : الغباء هو تكرار نفس الشئ مع انتظار نتائج مختلفه ، الأهلى أخر 7 سنين من بعد رحيل جوزية فى 2012 وهو مر عليه فى مقعد المدير الفني بشكل ثابت أو مؤقت 15 مدرب ودة رقم غير مسبوق فى تاريخ الأهلى وعكس فلسفة ومنهج الأهلي تاريخيا
الأهلي اليوم : المشكلة الأكبر ان كتير من المدربين دول مسك الاهلي من غير ما يعمل فترة اعداد او يختار لاعبين او يشتغل ال Pre Season بمعناه العلمي التحضيري زي أى مدرب محترف فى العالم والمدرب دة مطالب يوصل فكره للاعيبة ويفهم طبيعة قارة اول مرة يدرب فيها ويستوعب انك بتلعب فى دورى كل 3 ايام وينافس على كل البطولات وكمان يلعب كرة جميلة لو فضلنا نقييم بنفس الطريقة دى هنفضل فى الدائرة المفرغة دى من تغيير المدربين بدون بصمات واضحه الى مالانهاية
الأهلي اليوم : لا يجوز الحديث عن فشل لاسارتي
الأهلي اليوم : أغلب ردود أفعالنا على لاسارتي بعد خسارة الأهلى من سيمبا هي ردود فعل هدامة مستحيل تساعد الفريق . لاسارتي فى 9 مباريات انا بعتبر انه مسؤول عنهم فنيا كسب 7 و اتعادل 1 وخسر 1 . الراجل رجعنا عمليا للمنافسه على الدوري ، فى افريقيا لاسارتي بيستكشف كرة قدم مختلفه ودة اللى خلاه منفعل في المؤتمر الصحفي بعد ماتش سيمبا بيستكشف قارة اصعب من اى قارة فى كرة القدم كملاعب وتحكيم وانتقالات وسفر وثقافة فرق منافسة ومع ذلك انت لحد دلوقتي متصدر مجموعتك وحظوظك قوية جدا
الأهلي اليوم : لاسارتي كسب سيمبا هنا 5 فى شوط واحد وهو بيلعب 4 3 3 . هل من المنطقي لما يخرج بقى عشان يلعب فى تانزانيا يلعب 4 2 3 1 ! بفكر هجومي اكبر . بالعكس هو شاف ان 4 3 3 هتحقق له نفس النتائج وحتى لو وصل للتعادل كان هيبقى نجح فى هدفه بنسبه كبيره. وفكره انك تروح كمان تهاجم هناك بدنيا الاهلى ميقدرش يعمل دة بالشكل اللى احنا متصورينه مش بسبب قوة الخصم انما بسبب الضغط
الأهلي اليوم : سوء الأداء أمام سيمبا بسبب الأرهاق
الأهلي اليوم : اغلب الناس لما شافت التشكيل قبل الماتش قالوا ان دة تشكيل مثالى انما اللى حصل جوا الملعب كان مختلف مش بسبب التشكيل بقدر الافراد. اسوء مباريات اجاي والشحات ورمضان صبحي . الثلاثي الهجومي هو اكتر ثلاثي فى الاهلي فقد الكرة اجاي 8 مرات و رمضان 6 مرات وحسين الشحات 5 مرات . دة بيعكس قد ايه اللاعبين مجهدين ذهنيا قبل بدنيا .
الأهلي اليوم : لأول مرة السولية وكريم نيدفيد يشتركوا فى أن تمريراتهم للخلف تكون اعلى من نسبة التمريرات الأمامية باستثناء حمدي فتحي اللى تمريراته للأمام كانت أكتر وعشان كدة دة اختلافي الوحيد مع لاسارتي انه وهو عايز يكسب مكنش ينفع يخرج حمدي فتحي اللى كمان دفاعيا كان افضل من السولية ونيدفيد فى استخلاص الكرة هو أكثرهم ب 7 مرات استخلص فيها الكرة
الأهلي اليوم : عودة ازارو مهمه جدا للاسارتي عشان اجاي راجع من الاصابة لشهور للعب اساسي كل 3 ايام ودة مضر له وللفريق . ووجود جيرالدو محليا مهم جدا لان حسين الشحات لازم يعرف ان المنافسه صعبه وانه محتاج يصنع الفارق وان التركيز قدام فرصة سهلة قدام سيمبا ممكن يتحكم فى مصيرك فى بطولة .
لاسارتي بيشتغل بقلب وروح وتحت ضغوط غير مسبوقه عشان كدة لازم يتم دعمه انه ياخد الفرصة كاملة . لازم ننقد عشان نصلح بس نقد الواثق اللى بيبني مش اللى بيهدم . مباراة الانتاج بكرة من اهم مباريات الموسم لانها فاصله بين عودة الثقة سريعا او الدخول فى دوامه تراجع المستوى بس انا واثق فى الجانب النفسي عند لاسارتي وانه هيجهز الفريق بشكل سليم