أخبار الأهلي :أبدت بعض جماهير الأهلي غضبها من تراجع مستوي الفريق مع مارتن لاسارتي في الفترة الأخيرة ، لاسارتي استلم فريق لاعيبته فقدت التنظيم بشكل كبير وفقدت للشخصية فبالتالي مهمة رجل المرحلة يعيد الشخصية ، الاهلي اتحسن من حيث النواحي التنظيمية افضل من السابق ، أسلوب الضغط في أماكن بناء اللعب و مهام وسط الملعب بالزيادة منهم لاعب البوكس تو بوكس بيتحرك في جبهة الهجمة ويخلق زيادة وحل لحامل الكورة أنه يمرر له بالإضافة لجمل مركبة مشتركة بين الجناح والظهير ولاعب الوسط المتقدم لكن في مشاكل بتقابلنا وعلامات استفهام . أخبار الأهلي : ثلاث علامات إستفهام للأهلي مع لاسارتي أخبار الأهلي : مع لاسارتي تلات أمور عليهم علامة استفهام : – الاهلي خارج الديار مع لاسارتي بدأنا بمواجهة شبيبة الساورة وهو فريق زيه زي فرق الوسط بتلعب قصاده بطريقة رغم أنها كانت مناسبة كفكرة لكن كانت المشكلة في اللي بيطبقها وكنت مفتقد تماما للاعب اللي يخليك تحتفظ بالكورة و يطلع الفريق لقدام ، الماتش التاني قصاد سيمبا فريق مغلوب 5 بنروح نلعب بشكل متراجع فيه بزيادة عن اللازم وفقدت قوة جبهاتك بعدم تقدم الظهيرين اللي يعتبروا اسلحه قوية الفترة الأخيرة أخبار الأهلي : وأغلب الجمل اللي سجلت منها معلول و هاني لهم دور مؤثر في هجومك معلول لوحده مشترك في 8 اهداف من ال 17 هدف اللي سجلهم الاهلي مع لاسارتي مقسمين ل 3 اهداف و 5 اسيست وهاتي مسجل له هدفين اسيست في افريقيا وده غير ال key pass وبشكل فني الظهيرين مع لاسارتي استعادوا رونقهم من جديد ، لكن احنا نقدر نقول مشكلتنا خارج الديار متعلقه في اننا نلعب بشكل متوازن افضل عن التراجع المبالغ فيه و الإمكانيات المتاحة بتسمح لنا بده . أخبار الأهلي : الشوط الثاني والعرضيات إبرز سلبيات لاسارتي أخبار الأهلي : الاهلي الشوط الثاني بيكون مختلف تماما عن الشوط الأول ، الفريق بيتراجع في شكل الضغط بيكون بادئ من منتصف الملعب ومش ضغط كثيف بتنجح انك تاخد الكرة بيكون ضغط عادي و اسلوب الفريق بيكون وقتها هو تطبيق الهجمة المرتدة ، في تفسير منطقي لده أن الاهلي ميقدرش يطبق الضغط على مناطق خروج الكورة والضغط المبكر عند فقدان الكرة بسبب الحالة البدنية و مع عودة المصابين هيفرق معاك للافضل في اسلوبك خلال المباراة . أخبار الأهلي الاهلي في الكرات العرضية اللي عليه ، احنا استقبلنا 4 اهداف منهم هدف ضربة جزاء أمام وادي دجله و 3 اهداف من انبي و الساورة و سيمبا ، التلاته من عرضيات سواء من وضع الحركة في ماتشين سيمبا و الساورة أو كرة ثابتة في ماتش انبي ، المشكلة سببها مشترك بي الحارس و قلبي الدفاع ، الحارس اللي تمركزه و خروجه مع العرضيات بيكون قرار خاطئ بيصاحب تتفيذ سيئ منه وقلبي الدفاع اللي مفيش لحد دلوقتي اتنين اشتركوا اكتر من مباراة مع بعض بشكل دائم منهم ايمن اشرف اللي طوله مشكلة كبيرة في الكرات العرضية مبيقدرش يتعامل معاها بالشكل السليم . أخبار الأهلي : عودة رامي ربيعه مع تواجد ياسر ابراهيم هيتيح ليك نظريا علاج للمشكلة دي نظر لقدراتهم الجسمانية المناسبة لوضعية مركزهم في قلب الدفاع وعمليا بشغل الجهاز الفني مع الدفاع و تعامل المدافعين مع العرضيات و التركيز مع تحركات المهاجمين تزامنا مع حركة الكورة وعدم السرحان مع الكورة فقط ، والتعامل مع الشناوي في خروجه من المرمى بيكون سيئ جدا في العرضيات بطريقة فيها غشومية .
