جوزيه : بعد ما شوفنا أداء أحمد حسن وأحمد شكرى الإسبوعين اللى فاتوا ، بذمتك نقول عليك إيه !! شحاته وجعفر : مش عيب عليكم تبقوا طول عمركم زمايل ملعب وحبايب تيجوا على الآخر وتخيبوا كدا !! فين القدوة للشباب ؟
اسماعيل يوسف : قولت بعد ماتش الجيش وبدأت الحرب التحكيمية السنوية على الزمالك !! هو انتم كلكم لما بتيجوا بتاخدوا كتيب تصريحات واحد !!
طه بصرى : مدرب خلوق ومجتهد ويعمل فى صمت ، أنت مدرب الإسبوع بلا منازع .
شريف مراسل مودرن سبورت : بعد مباراة الاسماعيلى والاتحاد تحدثت مع لاعبى الاتحاد وفوجئت بأن معظم الحديث منصب على تحفيزهم قبل لقاء الأهلى والجزء القليل عن مباراتهم التى يقوم بتغطيتها ، ناقص كنت تقولهم هجيبلكم بونبونى لو كسبتم !!
إدارة المصرى : أتمنى أن لا تخطئوا خطأ كل موسم بعدم الصبر على المدرب حيال أول إخفاق ، فبسبب ذلك خسرتم مختار مختار فأحرز كأس الثورة ، وخسرتم طه بصرى الذى سيكون علامة هذا الموسم .
إينو وأحمد السيد : أعتقد أن طلبكم للرحيل هو العدل لكم ولنا !!
أوسكار وبيدرو : أتمنى تكونوا مبسوطين بالقعدة عندنا ، والطلبات كلها على خساب صاخب المخل !!
جونيور : متأكد إنك مش أسترالى يا بنى أصل أنا بشبه عليك!! ، وبتهيألى لو بعتنا شرائط مبارياتك للسفارة البرازيلية هيطالبوا بسحب باسبورك !! لأنك عار على الكرة البرازيلية .
تريكة : أكثرت المباراة الأخيرة من التمريرات العرضية والتمريرات للخلف ، وهذه ليست بعادتك ، نتمنى منك مزيد من الثقة ، نحن ندعمك ، ولا تنسى أنك بعبع المدافعين ، منتظرينك بأدائك العالى فى المباريات المقبلة .
ألتراس أهلاوى : إحنا بدأ يتسرب لينا إحساس إنكم بتروحوا المباريات بس علشان تولعوا شماريخ وتفرحوا بيها !! ما تقضوها بمب وخلاص حتى أوفر ليكم وللنادى !!
حسام غالى : ناقص تنزل الملعب معاك مطوة والقرار اللى ما يعجبكش من الحكم تروح تشقه بيها وقتى !!
جدو : حاول تستفيد من ميزتك كسبرينتر وما ترميش نفس فى عمق الملعب إفتح على الجانبين وبعدين لما تستلم الكرة أدخل العمق ، إنت بتعمل العكس يا نجم !!
سيد حمدى : لا تبتئس بإذن الله بعد العسر يسر وربنا هيكرمك وتبقى أحد أهم نجوم الأهلى بس أصبر على ... السو لما يرحل !!
