اللي يشوف بلوة غيره تهون عليه بلوته

بالبلدي

مش لاقي تفسير في اللي بيعمله قلة من المتعصبين الجزائريين في المصريين احنا نستقبلهم بالورود.
وهمه يستقبلونا بالضرب والسباب والدليل علي كده بعثة لاعبي الأهلي اللي ضربوهم وحجزوهم ثلاث ساعات في الملعب بعد انتهاء مباراة الاهلي وشبيبة القبائل الجزائري الاسبوع الماضي.. وأنا كنت قد كتبت الكلام ده قبل كده قبل ماتش مصروالجزائر في تصفيات كأس العالم اللي خرجنا فيها فيه مثل بيقول «اللي يشوف بلوة غيره تهون عليه بلوته» وده ينطبق علي الأهلي والزمالك والله العظيم أنا حزين من اللي بيعمله لاعبو الزمالك في جمهورهم المسكين بعد هزيمتهم وفضيحتهم أمام انبي وتاني يوم كنت حزين لحبايبي واصحابي الجمهور الاهلي واللي يتحرق دمه في مباراة المصري البورسعيدي اللي انتهت بالتعادل. ولان الاهلي معندوش مدير فني محترم بعدما مشي جوزيه واستلمنا الاخ حسام البدري فانني أدعوا الله أن ينصرنا ولا يخذلنا يوم الاحد اللي في مباراتنا المصيرية مع شبيبة القبائل الجزائرية.