الخير في مكانه.. شريف مدكور يتبرع لمستشفى أهل مصر للحروق ب 120 ألف جنيه وتعليق مراد وعلوش

بعد جمع 120 ألف جنيه، والتبرع لمستشفى أهل مصر للحروق، الإعلامي شريف مدكور تصدر تريند "جوجل" خلال الساعات القليلة الماضية، وذلك بعد احتفاله بذكرى ميلاده ال 50، وإعلانه استبدال هدايا احتفالية ذكرى ميلاده بتبرعات لمستشفى أهل مصر.
عيد ميلاد شريف مدكور
وكان المذيع والإعلامي شريف مدكور، أعلن في احتفالية ذكرى ميلاده ال 50 عن استبدال هدايا احتفالية ذكرى الميلاد بتبرعات لمستشفى أهل مصر لعلاج الحروق، وجاءت هذه الفكرة جديدة وإنسانية في إطار مناشدة وتشجيع الناس على أفكار جديدة للأعمال الخيرية والإنسانية.
حفل شريف مدكور
وعلق شريف مدكور عبر حسابه الشخصي بموقع التواصل الإجتماعي فيسبوك على صورة له من الاحتفالية وكتب قائلا: "النهاردة كان عيد ميلادي الخمسين عملت حفلة في بيتي وعزمت حبايبي، وطبعا عيد ميلاد يعني هتجيلي هدايا بس أنا فكرت ان الهدية تبقى حاجة تانية خالص، فكرت ان الهدية تروح لمستشفى أهل مصر لعلاج الحروق
شريف مدكور والتبرع ب 120 الف جنيه
وكان شريف مدكور اتفق مع ضيوفه إنهم يتبرعوا للمستشفى بقيمة الهدية اللي كانوا هيجيبوهاله، فالناس بتوع المستشفى بقوا واقفين على مدخل البيت بياخدوا التبرعات من الناس، النتيجة: 120 ألف جنيه تقريباً اتجمعوا لصالح مستشفى اهل مصر، أنا مبسوط، وشكرا لكل حبايبي اللي شرفوني ونوروني وادوني هدية حلوة لصالح مستشفى بترجع الابتسامة على وشوش الناس".

شريف مدكور

شريف مدكور وامتنان مراد مكرم
وأعرب الفنان مراد مكرم عن حبه وامتنانه للإعلامي شريف مدكور، وكتب: "يعني إيه حد محبوب، يعزم 100 فرد يجيله أكتر، يعني اللي ربنا بيحبه يحبب فيه خلقه، يعني ناس تسوق بالساعات علشان تروحله عيد ميلاده، وناس تأجل سفر وناس تيجي من سفر علشانه".
وتابع مراد عن شريف مدكور: "أنا لحد ما رحتله إمبارح وشوفت ناس ما شفتهاش من سنين أو شهور وقعدت مع ناس عشرة عمري، ماكنتش عارف أفرح، حاولت بس ما عرفتش لحد امبارح، فرحت من قلبي، ربنا يباركلك في حياتك كلها يا شريف يابن الأصول وكل سنة وإنت في ستر وصحة وراحة بال يا صديقي".
شريف مدكور ورد فعل كندا علوش
وعلقت الفنانة كندا علوش قائلة:" والله كنت عايزة أعمل الفكرة دي بس هو سبقني ربنا يجعلها في ميزان حسناته.. بس أنا لسة هعمل زيه".
الإعلامي شريف مدكور والحضور
وحضر الحفل عدد كبير من أصدقاء شريف مدكور، ومنهم الفنانة ريهام عبد الغفور والإعلاميات منى الشاذلي وسالي عبدالسلام وإنجي علي وريهام إبراهيم ومراد مكرم، وأحيا عيد الميلاد المطرب عمر كمال، وشهد الحفل حضور راقصة شرقية وسط أجواء مليئة الحماس والفرح.
شريف مدكور و رفض السلفة
في المقابل كان تعرّض الإعلامي شريف مدكور إلى الانتقادات، منذ عام، بسبب التحدث بصراحة حول رفضه التام التجاوب وتقديم المساعدة إلى أفراد يطلبون الأموال منه عبر مواقع التواصل الاجتماعي على سبيل "السُلفة" لمساعدتهم في تسديد ديونهم، موضحًا أنه يوافق على دعم الأشخاص من الأهل والأصدقاء والمعارف وليس الغرباء.
ووقتها قال الإعلامي شريف مدكور خلال بث مُباشر، عبر صفحته الشخصية ب"فيسبوك": "الفيديو بعمله بسبب بوست خاص بموضوع (ماحدش يطلب مني فلوس) ناس كثيرة هاجمتني مش عارف ليه وبقى تريند، يعني إيه حد ماعرفوش يبعتلي على الفيسبوك -بيحصل لي كل يوم تقريبا- يقولي عايز استلف 50-100 ألف جنيه أولا اللي بيتزنق في فلوس عمره ما يبعت لحد مايعرفوش، هيبعت لأخوه أو لخاله أو لخالته وحد من أهله".
وتابع شريف مدكور: "أنا شخص صريح وناس قالوا غليظ القلب وقلة أدب الحقيقة فلوسي بشقى بها إزاي أديها لحد ماعرفوش لكن لو أصحاب وأهلي هسلفه عشان عارف أنه هيرجعهالي، فإزاي واحده تقولي عايزه 100 ألف جنيه عشان اشتريت حاجات من ورا جوزي عشان هتفضح، هل يا جماعة دا طبيعي أو واحد يستلف 6 آلاف جنيه عشان سداد قسط الموبايل.. ليه اشتريته لما مش معاك فلوسه؟".
وواصل شريف مدكور: "وناس تقولي خسارة فيك الدعاء اللي بتدعهولي لما كنت عيان وعندي سرطان، ماحدش يذل حد في الدعاء، وأنا مطلعتش قولت أدعولي لما كنت عيان.. عيب حد يبعتلي يذلني على الدعاء اللي دعهولي وأنا حبيت أوضح لأني حسيت أني مش فاهم وأه قولت على قد لحافك مد رجليك.. وتعليقات الناس في منتهى السخافة أنا بوضح لو حد أعرفه من اللي حواليا عيني له لكن حد ماعرفهوش ومش صديق عندي على فيسبوك إزاي محبه فيّا بيطلب مني 100 ألف جنيه".