سيناءرجعت كاملة لينا ومصر ضاعت

بالبلدي

الفنانة الكبيرة المحجبة المحترمة شادية ليها أغنية جميلة بتقول فيها «سينا رجعت كاملة لينا ومصر اليوم في عيد» وأنا بعد مرور 27 سنة علي اعادة سيناء التي اعادها العبقري الراحل السادات سنة 1982 عادت سينا أو سينا رجعت كاملة لينا ومصر ضاعت أيوه مصر ضاعت إزاي حاقولكم مثل بسيط قوي أفتكر إن الرئيس الراحل السادات كان يقول دايما في خطاباته للشعب أن باخد قرار والشعب يحاسبني يعني كان السادات بعبقريته يضع الشعب في حسابه وحساباته ياتري دلوقتي فيه حد بيحاسب حد؟- سأحكي لكم قصة حقيقية حدثت لواحد صاحب المسطول صاحبي.. صاحب صاحبي ده ركب مركب في النيل ومعه أصحابه وقاموا ضربوا صواريخ «حركات» مرة واحدة جت شرطة المسطحات المائية قبضت عليهم وقبضوا علي صاحب صاحبي ده اللي كان معاه الحركات والصواريخ وبعدين أمناء الشرطة قاموا باصطحاب كل الموجودين علي المركب إلي شرطة المسطحات المائية وجلس معهم عقيد وقال لهم اتفاهموا مع أمناء الشرطة الذين طلبوا من الشباب مبلغ خمسمائة جنيه وكلهم يروحوا ومعاهم صاحبهم اللي اتمسك بالحركات والصواريخ، وفعلا تم تجميع المبلغ وأخذه أمناء الشرطة وقالوا ده لسيادة العميد وهو عايز كمان كارت محمول بمائة جنيه ومش مهم الكارت فودافون أو موبينيل لأنه هيرجعه تاني وياخد فلوسه أنا سمعت هذه الحكاية وقلت أكتبها وشهودها موجودين والله العظيم ، وأنا اللي مزعلني في القصة دي كلها إن العميد خد كمان الصواريخ والحركات.