بالفيديو.. محمود سعد يوجه رسالة لجمهوره عبر «فيسبوك»

وجه الإعلامي محمود سعد، رسالة إلى جمهوره عبر صفحته الرسمية على موقع التواصل الاجتماعي «فيسبوك».
وقال «سعد»، خلال رسالته: «أنا فى الوضع اللى أنا فيه ده مش مبسوط لكنى مستريح.. أنتوا شايفين الشاشة عاملة إزاى والدنيا عاملة إزاي.. أنا مش هعلق أنا قعدت ليه ورحت فين وجيت منين، فهذه أمور أنتوا تقدروا تستنتجوها زي ما أنتوا عايزين..إنما أنا بكلمكم أنتوا (بس)».
وكشف «سعد»، عن عدم رغبته في العودة لتقديم برنامج تليفزيوني، قائلا: «أنا مش عايز أطلع فى التلفزيون، ومش حابب أطلع في أي حتة، ويمكن بعضكم يفهم إيه المغزى من الكلام، لكن أنا مش هتكلم خالص واللى حصل حصل.. أنا عملت تجربة عملت فيها كل المجهود اللي أقدر أعمله وبعدين أنتوا أديتوني حب كبير جدًا جدًا و أنا بشكركوا».
وتابع: «نرجع ممكن.. منرجعش إحتمال كبير.. لكن الدنيا اتطورت وفيه وسيلة للتواصل حتى ولو بالقلوب حتى لو تفتكروني و تقولوا الراجل ده يعني.. كان مش بطال.. يعني كان (من ضمن) أحسن الوحشين.. كويس».
وظل الإعلامي محمود سعد يقدم برنامج «آخر النهار»، المذاع على «النهار»، أيام الأربعاء والخميس والجمعة من كل أسبوع، لأكثر من عام، قبل أن يقرر التوقف عن تقديم البرنامج مطلع العام الحالي، دون الإفصاح عن تقديم أي برنامج آخر، ليختفي من الساحة الإعلامية.

محمود سعد لجمهوره على فيسبوك : عايز أشكركوا جدا على إنكوا متاب...
محمود سعد لجمهوره على فيسبوك : عايز أشكركوا جدا على إنكوا متابعينى كويس جداً و بتبعتولى رسايل رائعة..الحقيقة أنا مستحقهاش أبداً و مش عارف أرد عليها حتى ...
Posted by محمود سعد Mahmoud Saad‎ on‎ 26 مارس، 2016