شباب البحيرة ينظمون حملة «مش دافعين» اعتراضا على رفع أسعار الكهرباء والمياه

قام عدد من الشباب الناشط، بمدينة كفر الدوار، اليوم الثلاثاء، بتوزيع بيان خاص تحت اسم «مش دافعين»، بوسط البلد وأمام المحلات التجارية، للمطالبة بعدم دفع فواتير المياه والكهرباء والغاز الطبيعى بالمنازل، وذلك لإلغاء قرارات حكومة الإخوان برفع أسعار تلك الخدمات، هذا على حد قولهم.

حيث جاء نص البيان «اتكوينا من نار الأسعار، اللى خلصت على مرتباتنا واتبهدلنا في المواصلات، وواقفين طوابير قدام الافران وأنابيب البوتاجاز، وواقفين في طوابير البطالة، وكل ده وكمان جايين يغلوا الكهربا والغاز، و حتي المياه اللي بنشربها، والانفلات الأمني اللي في البلد، واحنا بنتثبت في الشوارع عيني عينك، والمخدرات بتتباع علنا، والبلد داخله علي خراب» .

وطالب الشباب الثائر، المواطنين، الامتناع الجماعي عن دفع فواتير الغاز والكهرباء والمياه والتليفونات، وركوب المواصلات العامه مجانا، وأن يمتد هذا الامتناع الطوعي إلى العمل أيضا.