جونى يغنى للأطفال انا عصفور بيقولوا مجنون

أنا عصفور بيقولوا مجنون
مجنون أيوه ومش مكسوف
بأحلم إني الاقي الكون
مافهوش حزن ومافهوش خوف
مافهوش أي دموع بتسيل
مافهوش غير أطفال عساسيل
السما ف عينيهم مبسوطة
وبترقص لما يلاعبوني
فيها نجوم حلوة صغنطوطة
على طول بتمطّر بمبوني

بهذه الكلمات لأطفال المستقبل والأمل غنى جونى "انا عصفور بيقولوا مجنون" وشاركته فى الغناء الطفلة نورجهان، وياتى هذا الكليب الذى يعرض بدءً من اليوم على قناة مزيكا امتداداً للروح التى قدمها جونى فى اغنية "امتى" وهى ضد العنف ضد الاطفال والتى أطلقت فى البوم "آخر نقطة شمس"2010، واغنية "فراشة ودبابة"والتى يقول فيها البطل لحبيبته وخلفهم الدبابات تتصارع " وقتها أول ما هنتلاقى، هألمح ف عيونك طفلتنا، مش خايفة وهيا بتتشاقى، ف عينيها بتكمل غنوتنا، والعالم كله بيسمعنا".

"انا عصفور بيقولوا مجنون" من كلمات والحان انطونيوس نبيل وتوزيع وليد ميمنى وهندسة صوتية وديجيتال ماستر ميشيل عبد الملك، والكليب تم تنفيذه بطريقة يمتزج فيها الكارتون بالواقع وهو من اخراج محمد السعدنى والذى سبق وان تعاون معه جونى فى اخراج كليب "مترو" من الالبوم الذى يحمل الاسم نفسه والذى تم اطلاقه منذ شهرين.