بالفيديو .. "فراشة ودبابة"... أغنية جديدة لجونى

أطلق المطرب جونى أغنية سينجل جديدة بعنوان "فراشة ودبابة" وهى استكمالاً للروح الثورية التى قدمها جونى فى أغانيه السابقة .
"فراشة ودبابة" من كلمات والحان انطونيوس نبيل ، وتوزيع وليد ميمنى ، وتأتى الأغنية بعد عدة أغانى أطلقها جوني لمساندة الثورة المصرية ومنها اغنية "كمين" و"لمستِك فى الضلمة نور" و"مشروع شهيد"، ويستعد جوني حالياً لإطلاق البومه الجديد "مترو" بالتعاون مع شركة بيراميديا قريبا

وتقول كلمات الأغنية:
اختلط الحابل بالنابل
ف معارك مش واصلة لمعنى
وبارود العالم مش قابل
أنا وانتي الأحلام تجمعنا

دبحوا الأشجار زرعوا خنادق
بدل الورد بيهدوا بنادق
حاشينها بطلقات كوابيسهم
قدام بنادقهم مش فاضل
غير غنوة ف قلبنا بتناضل
مهما يحاصروها بمتاريسهم

على كفك أنا كفي متبّت
بنحطّم قوانين الغابة
جوانا الفراشات بتنبّت
قادرة تشيل أجدع دبابة
وتطير بيها لأعلى سحابة
علشان في الآخر تفلتها
وتطير بيها لاعلى سحابة
وتسيبها..الأرض تفتفتها
نضحك على منظر تكسيرها
الخوذ القاسية تودعنا
الدنيا تلملم عصافيرها
ونغنّي ماحدش يمنعنا

وقتها أول ما هنتلاقى
هألمح ف عيونك طفلتنا
مش خايفة وهيا بتتشاقى
ف عينيها بتكمل غنوتنا
والعالم كله بيسمعنا