فيديو.. " أنا عصفور بيقولوا مجنون "

العصفور أصبح مجنونا لأنه يحلم بكون ليس به خوف أو حزن، ليس به سوى أطفال "عساسيل"، هذه هى الرسالة التى أراد جونى ونورجهان وانطونيوس نبيل إيصالها عبر أغنية للأطفال، تم بثها على يويتوب قبل يومين، وقامت بالتمثيل بها الطفلة حبيبة حسام.
تقول كلمات أغنية" أنا عصفور بيقولوا مجنون " وهى لانطونيوس نبيل :
أنا بنوتة صغنططة
أوضتي فيها حاجات كتير
كورة حلوة منقّطة
شوطتها علشان تطير
طارت فوق للسما
شافها عصفور شدته
باسها بوسة ف خدها
جَت تقولّي غنوته:
أنا عصفور بيقولوا مجنون
مجنون أيوه ومش مكسوف
بأحلم إني الاقي الكون
مافهوش حزن ومافهوش خوف
مافهوش أي دموع بتسيل
مافهوش غير أطفال عساسيل
السما ف عينيهم مبسوطة
وبترقص لما يلاعبوني
فيها نجوم حلوة صغنطوطة
على طول بتمطّر بمبوني
أنا عصفور بيقولوا مجنون
مجنون أيوه ومش مكسوف
بأحلم إني الاقي الكون
مافهوش حزن ومافهوش خوف
مافهوش أي دموع بتسيل
مافهوش غير أطفال عساسيل
راسمين الشمس ف أحلامهم
بتزغزغهم وتصحّيهم
نورها بيبقى ورود قدامهم
جاية تطبطب على خطاويهم
شاهد الفيديو
https://www.youtube.com/watch?v=vVVznk22xk8