يوسف حسن لإدارة الزمالك: هبطل كورة بسببكم

وجه مهاجم الفريق الأول لكرة القدم بنادي الزمالك، رسائل نارية إلى مسؤولي القلعة البيضاء.
وكتب يوسف حسن، عبر صفحته عللا موقع التواصل الاجتماعي «فيس بوك»: «أنا هتكلم بس مش عايز جمهور الزمالك يزعل مني في أي حاجة، أنا بسبب اللي بيحصل معايا ده هبطل كورة بالشكل ده أنا لا بتأهل ولا بتدرب ومستقبلي بيضيع».
وأضاف: «أنا الكورة هي شغلي وأكل عيشي ومش عارف أنا أذنبت في إيه ولا عملت إيه علشان اللي بيحصل معايا ده، عمر ما حد شاف مني حاجه وحشة ولا شاف إني بعمل مشاكل أنا دايمًا في حالي، بس إلى حصل فيا مش قليل عارف الناس ممكن متصدقش اللي بيحصل معايا بس وحياة الأيام المفترجه دي، أكيد انتو عارفين على موضوع العملية وكده ومحدش كان راضي يعملها من الإدارة».
وتابع: «عملتها بعد مجهود كبير جدا جدا بعد 6 شهور قاعد في البيت، وبتحصل معايا نفس الحاجه بعد ما الإدارو الجديده وعدوني هنوديك علاج طبيعي انت لعيب مهم وانت وانت وانت، أول شهر ودوني لي دكتور علاج طبيعي اسمه د خالد الشناوي».
وواصل: «رحت شهر واتنين والنادي مدفعش الفلوس لدكتور العلاج الطبيعي وكل شويه هو يقولي ويطلب فلوسه، طبعا انا اتكسفت اني اروح تاني العلاج الطبيعي أنا بقالي 3 شهور يعتبر قاعد ف البيت، وحياة ربنا وحياة ربنا ماحد عبرني بمكلمه تليفون ولا حد بيرد عليا أصلا».
وأتم: «حسبنا الله ونعم الوكيل ف كل ظالم ..اول مره اشوف كده اول مره أشوف ظلم ب عيني فعلا.. عمري محصلي كده في حياتي، كل ما أروح لحد يقولي اتكلم مع الادارة اتكلم يقولولي مش عارف أي مفيش حد وقف معايا نهائي بس غلطتي اني مكنتش بطلع اتكلم ..انت جيبني بفلوس مش فلوس قليله مفروض تقدرني مفروض ،لاعيب منتخب مصر، إللي بيحصل معايا أنا في نادي كبير واسم كبير ،وجمهور الزمالك عارف انا بحبهم ازاي بس انا اتظلمت كتير وغلطتي اني كنت ساكت مش عايز اتكلم بفكر ف مصلحتي.. لما لقيت الناس كلها بتهاجمني انا ومفكرني انا إلى قاعد ف البيت بمزاجي.. محدش يزعل مني أي حد زعلتو حقه فوق دماغي انا بحب جمهور الزمالك».