(الشروق) تنشر نص 5 مكالمات تليفونية بين السكرى وطلعت

حصلت «الشروق» على نص المكالمات التليفونية الخمس التى عرضتها محكمة جنايات القاهرة فى جلسة الأربعاء الماضى، والمنسوبة لمحسن السكرى، ضابط أمن الدولة السابق، ورجل الأعمال هشام طلعت مصطفى، المتهمين بقتل سوزان تميم فى دبى، وتضمنت المكالمات «كلاما خطيرا جدا» بين المتهمين.
قال السكرى فى المكالمة الأولى التى أجراها يوم الأربعاء 25يونية 2008، لهشام طلعت: أنا قلت لحضرتك الأربعاء أو الخميس.. طبعا أنا بجمع ال20٪. أنا المفروض حيحولوا لى ال20٪ اللى هما اندفعوا علشان لندن.. هما طبعا بعتوا لى الصور وبعتوا لى حاجات دبى وقلت لهم operation is Closed وننسى الموضوع خالص ماليش دعوه بدبى أو مش دبى قالوا إننا لما كنت فى لندن كنت عاوز «تكنفر» العنوان..
سبب اختفائها هى دلوقتى.. هى وهما قاعدين فى البيت بتاع 22 الرمال بيتش.. الرمال.. وبعتوا حد من 3 أيام صورهم هناك وصور الlocatoin وبعتوا لى الصور.. قلت لهم برضه الoperation closed علشان هى تطلع من البلد وتسافر وتعمل..
دى مش مسئوليتى.. ابعتو لى 20٪ وال20٪ دى حيبعتوها لى زائد بقية الفلوس اللى معايا أنا محتفظ بها.. حاجيبها وآجى لسعادتك علطول.. قالوا إحنا دلوقتى مالناش ذنب.. قلت لهم مفيش حاجة اسمها مالناش ذنب.. ال«paste off خلاص client.. وقفل والoperation not anymore..
قالوا حتى ولو فى دبى قلت لهم ماليش دعوه.. دبى أو حاجة.. وتعبنا عملوا اتصال هى وهما قاعدين فى دبى والولد بيتدرب هناك فى نادى اسمه الدراملية وبقى لهم شهر هناك..
هو بقالوا شهر وهى بقالها أكثر من 15 يوم عايشه معاه هناك.. أنا خلاص سحبتهم من الoperation.
وقلت ال 20٪ اللى انتوا اخذتوها as advance بتاعة الaccident دى قالوا طيب مفيش مشاكل. بس إحنا برضه باعتين لك صور.. اتفرج عليها علشان تعرف إن إحنا برضه مالناش ذنب وتفهم الclient بتاعك قلت لهم الclient بتاعى قفل خلاص forget the case.. وعاوزين الكاشات بتعتنا.. بس فى خلال بالضبط النهارده أو بكره هيعملوا transfere للفلوس.
أما فى المكالمة الثانية فقد تبين أن هناك أزمة حدثت بين فريق عمل دبى ونظيره فى لندن، وهو ما أدى إلى انفعال هشام طلعت على محسن السكرى فى المكالمة التى جرت بينهما يوم الأربعاء 25/6/2008.
وجاء فيها: طلعت أيوه يا محسن بقولك.. الولاد دول اللى هما بتوعك الخايبين دول بتوع لندن دول بيقولوا إيه.. بيقولوك إزاى هما وصلوا لها فى دبى؟
السكرى: قلت لهم لأ.. فى الأوقات اللى هى سكنت فى البيت اخلعوا وارفعوا المراقبة علشان مش عاوزين
cast عالى..
هشام طلعت: قطعت منكم إزاى؟
قطعت مننا من آخر يوم طلعت من مكتب اسمه Dean and Dean بتاعه محامى.. أنا حتى كنت موجود معاهم فى عربية فى الشارع.. طلعت هى وواحدة صاحبتها راحوا الhide park أتمشوا..
ادونى الconfirmation دى بالضبط من 48 ساعة.. من ثلاث أيام الفجر قالوا لى نازلة من عربية avis هى ومعاها رياض وقاعدين فى البيت ده فى رقم الشقة كذا والعنوان مدهونى بالكامل.. اسمها الجميلة رمال بيتش.. حتة accommodaties قاعدة فى الدور 22 فى شقة 088 حاجة معايا الرقم وهما الاتنين قاعدين ومأجرين عربية بسواق من شركة avis.. والولد بالتحركات بتاعته..
وتحريات ثانية برضه اللى كانت عندنا من هناك.. من لندن.. من ناس كانت بتشتغل.. الحركة اللى عملناها اللى هى خليتها قطعت دبى بسببى برضه.. إن أنا خليتهم يعملوا reservation فى الspa بتاعها.. وكلمناها على أن إحنا الspa عشان تيجى.. كنا عاوزنها تنزل أنا عاوز الموضوع يخلص as soon as possible.. هما دلوقتى مسكننهم فى دبى بيقولولى إنت الoperator قفل client..
قلتلهم أنا عاوز 20٪ وأنا بأرجع client كل حاجة وانتهى case is closed.. قالك إحنا باعتين crew وراها دبى لو فيه opportunity ننفذها فى دبى.. حتى عليهم هما الاثنين.. قول قولتهم لا برضه
yourclient.
بينما دارت تفاصيل المكالمة الثالثة التى جرت يوم الأربعاء 2/7/2008 حول انتقال فريق المراقبة إلى البرج السكنى الذى تقطن فيه سوزان تميم، وجاء فى المكالمة:
محسن ببلغ سعادتك الحاجة update الupdate بتنقل almost يعنى راحوا.
هشام طلعت آه.
محسن وبيقولوا easy خالص الoperation هناك أسهل بكثير جدا طبعا من الDeal هناك.. هما will make it soon وكمان كinfo الولد اشترى apartment فى نفس البرج برضه بتاعه.. ثانيها وجبنا برضه كل حاجة الكوبيهات بتاعتها والقصة بتاعتها والمفروض الpretty soon حينفذوا الdeal حينفذوا الmeeting يعنى بس بشكل آه زى ما سعادتك كنت بتتكلم كده.
هشام طلعت آه اللى هو التصور القديم.
محسن آه بالضبط أو فيه تصور إدوهونى شبيه بيه برضه يبان بنفس الشكل.
هشام طلعت امتى متوقعين يخلصوا على امتى؟
محسن يعنى قالوا pretty soon.. هما بس بينقلوا.
هشام طلعت طيب المهم بس علشان ما يمشوش من هناك يعنى واخد بالك.
محسن لأ هما قاعدين والولد بيجهز عنده competion كمان عشرة أيام.
هشام طلعت عنده إيه؟
محسن عنده مسابقة كمان عشرة أيام فى دبى
.
هشام طلعت طيب ال.. اتفقت عليه كام؟
محسن اتفقت.. قلتلهم الرقم قالولى أنت دافع لنا 20٪ من الرقم اللى إحنا طالبينه اللى هو القديم.. فأنا فعلا.. أنا بأكلم حضرتك هما كانوا طالبين فى الرقم القديم واحد كان خمسة حياخدهم الأخ اللى حيعمل الmeeting والخمسة التانيين ليهم هما لأنه كانوا جايبين واحد ينفذ الmeeting.
وفى المكالمة الرابعة التى جرت بين السكرى والشخص المجهول، يوم الأربعاء 2/7/2008 نقل السكرى تأكيد فريق العمل بقرب انتهاء المهمة، وجاء فيها:
محسن هما قالولى بص استقبل مننا مكالمة واحدة الفترة اللى جايه مش عاوزين أى مكالمات.. خد مننا المكالمة اللى هىdeal done.. message done done.
هشام طلعت طيب ok.
محسن قلت لهم مش حاخش معاكوا فى update وعملوا إيه وسووا إيه.. opening مش. مش عارف إيه.. قلت لهم أنا عاوز المكالمة دى done ومديكوا time frame كذا فقالوا لى إحنا قبل time frame حنكون مخلصين.
هشام طلعت طيب.
محسن بس هما بيفرشوا الapartment دى كده قاعدة كده بيجهزوا اللى هما خدوها لأنهم خدوا واحدة هناك.
محسن ok.
هشام طلعت فى نفس.. فى الدور اللى تحت.
محسن طيب ok.
وكانت المكالمة الخامسة والأخيرة يوم الاثنين 28/7/2008، وطلب فيها السكرى مهلة يومين على الأكثر لتنفيذ المهمة، حيث قال لهشام طلعت: على بكره كده أو بعده maximum يا باشا ادينا بس بكره.