السيسي: علشان نهتم بالصناعة ونتحرك فيها هناخد وقت وجهد كبير أوي وتكلفة كبيرة

قال الرئيس عبد الفتاح السيسي، إن تنفيذ المصانع الستة بمجمع الأسمدة الأزوتية بالعين السخنة استغرق أربع سنوات.
وأضاف خلال افتتاح مجمع مصانع الأسمدة الأزوتية بمجمع النصر للكيماويات الوسيطة بمدينة العين السخنة، اليوم الأربعاء، أن الدولة تتعاون في هذا الإطار، مع أفضل شركات صناعة على مستوى العالم في هذا المجال.
وأشار إلى أن جزءا في التفاوض مع هذه الشركات كان إنجاز المهمة في أسرع وقت ممكن، متابعا: «ناس كتير بيقولوا إنتوا ليه مش مهتمين بالصناعة.. إحنا علشان نهتم بالصناعة ونتحرك فيها هناخد وقت وجهد كبير أوي وتكلفة كبيرة».
وأشار إلى أن تكلفة إنشاء مجمع مصانع الأسمدة الأزوتية تبلغ 800 مليون دولار، يُضاف إليها ثمن الأرض والمرافق التي تصل إلى هذه المناطق.
وتابع: «رقم كبير علشان نعمل مصانع كبيرة نقدر وفرت بيها احتياجاتنا ويتبقى جزء للتصدير ده موضوع هياخد وقت.. ولازم نعرف إحنا كان عندنا أولويات موجودة».
واستكمل: «هل أقدر أجي أعمل مصنع زي كده من غير ما يكون عندي الطاقة الكهربائية اللازمة؟.. مش ممكن.. لو معنديش كهرباء هعمله إزاي، لو معنديش غاز هعمله إزاي».
ويضيف مجمع الأسمدة الفوسفاتية والمركبة بالمنطقة الصناعية في العين السخنة، 6 كيانات جديدة للصرح العملاق ويتنوع إنتاج مصانع الأسمدة الأزوتية الجديدة مصنع إنتاج الأمونيا بطاقة 400 ألف طن سنويا، ومصنع إنتاج اليوريا السائلة بطاقة 300 ألف طن سنويا، ومصنع إنتاج اليوريا المحببة بطاقة 300 ألف طن سنويا، إلى جانب مصنع إنتاج حامض النيتريك بطاقة 165 ألف طن سنويا، ومصنع إنتاج نترات النشادر بطاقة 200 ألف طن سنويا، ومصنع إنتاج نترات النشادر الجيرية للمرة الأولى في مصربطاقة 300 ألف طن سنويا.
وتم تنفيذ مصانع الأسمدة الأزوتية بمجمع الأسمدة الفوسفاتية بالعين السخنة، بواسطة تحالف شركتي بتروجيت المصرية وتيسن جروب الألمانية.