ندى عفيفي تكشف تفاصيل تعرضها للضرب على يد الفنانة لوسي: عنفتني أمام الجمهور

كشفت الفنانة ندى عفيفي عن تعرضها للضرب على يد الفنانة لوسي، في أثناء عملهما معا في مسرحية "الحفيد"، في إطار الاتهامات المتبادلة بين لوسي، وباقي أبطال وفريق عمل المسرحية.
وكتبت ندى عفيفي، عبر فيس بوك: "هخرج عن صمتي وأتكلم وأنا مرفوعة الرأس ومش هتكسف أقول اللي حصل معايا في عرض الحفيد، أولا بأكد كل معلومة اتكلم فيها زمايلي من انتهاكات حصلت في حقنا وكان سببها الفنانة لوسي، بل بالعكس في حجات كتير وتفاصيل كتير متقالتش".
وأضافت: "عايزة أقول إحنا مكناش ساكتين ضعف أو تهاون في حقوقنا أبدا بالعكس إحنا كنا ساكتين احتراما للتحقيقات اللي كانت بتحصل والقائمين عليا وحب في سمعة عرض الحفيد والمسرح القومي، بالرغم من تصريحات الفنانة لوسي فى برنامج الأستاذة لميس الحديدي واللي كانت كلها افتراءات وتخلو تماما من الصحة".
وتابعت: "الواقعة اللي تخصني وهي إن الفنانة قامت بضربي وشتمي أمام الجمهور بالفعل، مما أصابني بالذهول وسابتني على المسرح وخرجت وما كان مني إلا إني احترمت المسرح والجمهور الغالي وزمايلي وكملت شغلي، لكن فور خروجي من المسرح أصابتني نوبة انهيار ومع ذلك كملت العرض زي أي فنان محترم وبيحترم شغله والخشبة اللي واقف عليها".
واستكملت: "دخلنا المشهد اللي بعده مسكتني وعنفتني تاني أمام الجمهور وأنا في منتهى الذهول من العبث اللي بيحصل من فنانة كبيرة كان عندي أمل إننا نتعلم من خبرتها الفنية وأن تحتضن هي مشاكلنا بدلا من افتعالها".
واختتمت: "المخرج يوسف المنصور وعدني إن اللي حصل ده مش هيعدي وكان مساندني وكنا هنكمل العرض لكن الأستاذة فاجئتا أنها لم تحضر ولم تهتم ببروفة حددها المخرج، وبعدها فوجئنا بأنها مقدمة شكوى فينا كلنا بلا استثناء لوزيرة الثقافة".