«ضربتني على المسرح».. ندى عفيفي تكشف كواليس «علقة» لوسي لها

كشفت الفنانة ندى عفيفي، عن كواليس أزمة عرض «الحفيد»، وكذلك تفاصيل ضربها من الفنانة لوسي على المسرح خلال العرض.
وقالت «ندى»: «هخرج عن صمتى واتكلم وانا مرفوعة الراس ومش هتكسف اقول اللى حصل معايا في عرض الحفيد» .
وأضافت عبر حسابها على «فيس بوك»«اولا بأكد كل معلومه اتكلموا فيها زمايلي من انتهاكات حصلت في حقنا وكان سببها الفنانة لوسي بل بالعكس في حجات كتير وتفاصيل كتير متقالتش».
وتابعت: «عايزة اقول احنا مكناش ساكتين ضعف أو تهاون في حقوقنا ابدا بالعكس احنا كنا ساكتين احتراما للتحقيقات اللى كانت بتحصل والقائمين عليا وحب في سمعه عرض الحفيد والمسرح القومى بالرغم من تصريحات الفنانه لوسي في برنامج الأستاذة لميس الحديدى واللى كانت كلها افتراءات وتخلو تماما من أي شئ من الصحة».
واوضحت:«الواقعة اللى تخصنى وهى أن الفنانه قامت بضربى وشتمى أمام الجمهور بالفعل مما اصابنى بالذهول وسابتنى على المسرح وخرجت وما كان من إلا إنى احترمت المسرح القومى والجمهور الغالى وزمايلي وكملت شغلى لكن فور خروجى من على المسرح اصابتنى نوبه انهيار ومع ذلك كملت العرض زى أي فنان محترم وبيحترم شغله والخشبه اللى واقف عليها» .
واستكملت:«دخلنا المشهد اللى بعده مسكتني وعنفتني تاني أمام الجمهور وانا في المنتهى الذهول من العبث اللى بيحصل من فنانة كبيرة كان عندى أمل أننا نتعلم من خبرتها الفنية، وان تحتضن هي مشاكلنا بدلا من افتعالها».
وأضافت :«خلصت ليله العرض وما كان من أستاذ ايهاب فهمى مدير المسرح القومى كل التقدير لشخصه إلا كل احتواء لنفسيتى وجبر خاطرى ووعدى بأنه قام باللازم مع الفنانه لوسي وان حقى هييجي وانا مازلت حتى الآن اشكره لدعمنا واحترامه لفننا، وبعدها توقف العرض والى باقى الأحداث اللى انتوا تعرفوها» .
واختتمت«ندى» حديثها قائلة:«أن المخرج يوسف المنصور وعدنى أن اللى حصل ده مش هيعدى وكان مساندنى وكنا هنكمل العرض لكن الاستاذه فاجئتا أنها لم تحضر ولم تهتم ببروفه حددها المخرج وبعدها فوجئنا بأنها مقدمه شكوى فينا كلنا بلا استثناء لسعاده وزيره الثقافه» .
يذكر أن العرض المسرحي -«الحفيد» توقف خلال الفترة الماضية بعد 44 ليلة عرض، وإعلان البيت الفني للمسرح إن هناك شكوى من الفنانة لوسي ضد فريق العمل والذين بدورهم تقدموا بشكوى مماثلة وحاليا الأمر قيد التحقيقات لدى النيابة الإدارية.