فاتن موسى تنعى شقيقها: ما قادرة أصدق ولا أستوعب

نعت المذيعة فاتن موسى شقيقها «علي» الذي رحل قبل ساعات، ونشرت عدة صور له، عبر حسابها الرسمي على موقع «إنستجرام».
وكتبت فاتن تعليقا على الصور: «خيي علي ما قادرة صدق ولا استوعب إنو صار في شريطة سودا على صورتك.. ما قادرة صدق إنك متت.. يا الله يا علي يا حبيبي يقبروني عيونك.. ليه فليت بكير يا علي يا ضيعان شبابك يا خيي، الله يلعن الغربة والظروف اللي فرقتنا وبعدتنا وخلت كل حدا فينا بمطرح وببلد.. يا ريتني متت بدالك وروحي طلعت بدل روحك يا عمري انت».
وتابعت: «آآآخ يا خيي آآخ يا حبيبي يا حبيبي يا علي.. ما تخيلت بدك تصير صور!!! صورك هون وهون والناس تعزينا فيك يا دليل روحي.. ما تخيلت إنو يطلع عليي الصبح وانت عنجد ميت والناس عبتعزينا فيك.. يا ريتو كان كابوس وفقت منه، أه يا خيي يا حبيبي، آه يا وجعي، آخ يا دلي كنت مشتاقة شوفك يا عمري».
وأضافت: «هلأ صرت صور وتحتن خبر وفاة وتعازي يا ضيعان شبابك يا عمري، يا عمري يا علي يا حبيبي يا أجمل شب يا أجمل ضحكة يا أحلى عيون، يا أذكى شب يا أنضف نفسية يا أجمل طلّة.. الطيبين الصابرين هني الي بروحوا.. الله يعوضك بجنة الفردوس ونعيمها مع النبي وآل البيت والصالحين والشهداء عن الدنيا الفانية، يا خيي يا زينة الشباب يا شهيد لقمة العيش والرزقة يا غريب يا صابر، الله يرحم روحك يا خيي ويصبرنا عالفراق».